ନୂଆଦିଲ୍ଲୀ: କୋରୋନା ଏବେ ବିଶ୍ବ ପାଇଁ ମହାବିପଦ ସୃଷ୍ଟି କରିଛି । ଏପରିସ୍ଥଳେ ଭାରତ ସରକାର ବିଭିନ୍ନ ଦେଶରେ ଫସି ରହିଥିବା ଭାରତୀୟଙ୍କୁ ଦେଶକୁ ଫେରାଇ ଆଣିବା ପାଇଁ ସମସ୍ତ ବ୍ୟବସ୍ଥା କରୁଛନ୍ତି । ଏହିକ୍ରମରେ ମାଳଦ୍ବୀପ ଏବଂ ସଂଯୁକ୍ତ ଆରବ ଏମିରେଟ୍ସ (ୟୁଏଇ) ରେ ଫସି ରହିଥିବା ସାଧାରଣ ନାଗରିକଙ୍କୁ ଉଦ୍ଧାର କରିବା ପାଇଁ ତିନୋଟି ନୌସେନା ଯୁଦ୍ଧ ଜାହାଜ ପଠାଯାଇଛି। ଯୁଦ୍ଧ ଜାହାଜରେ ଆଇଏନଏସ ଜଲାଶ୍ବ, ଆଇଏନଏସ ମଗର, ଆଇଏନଏସ ଶାର୍ଦ୍ଦୁଳ ଅନ୍ତର୍ଭୁକ୍ତ |
ସୋମବାର ରାତିରେ ଆଇଏନଏସ ଜାଲାଶ୍ବ ମୁମ୍ବାଇ ଉପକୂଳରେ ନିୟୋଜିତ ହୋଇ ଆଇଏନଏଲ ମଗର ସହିତ ମାଳଦ୍ବୀପକୁ ଯାଇଥିବାବେଳେ ଆଇଏନଏସ ଶାର୍ଦ୍ଦୁଲ ପ୍ରବାସୀମାନଙ୍କୁ ସ୍ଥାନାନ୍ତର କରିବା ପାଇଁ ଦୁବାଇ ଯାଇଥିଲେ। ଏହା ପରେ ଏହି ତିନୋଟି ଜାହାଜ କୋଚିକୁ ଫେରିବ ।
ଆଇଏନଏସ ମଗର ଏବଂ ଆଇଏନଏସ ଶାର୍ଦ୍ଦୁଳ ହେଉଛି ସାଉଥ୍ ନାଭାଲ୍ କମାଣ୍ଡର ଜାହାଜ ହୋଇଥିବାବେଳେ ଆଇଏନଏସ ଜାଲାଶ୍ବ ଇଷ୍ଟର୍ଣ୍ଣ ନାଭାଲ୍ କମାଣ୍ଡର | ଆଇଏନଏସ ଜାଲାଶ୍ବ ବିଶାଖାପାଟନମ୍ ର କିଛି ଦିନ ପୂର୍ବରୁ ପୂର୍ବ ତଟରୁ ପଶ୍ଚିମ ତଟକୁ ଯାଇଥିଲା | ଭାରତୀୟ ନୈସେନାର ଅଧିକାରୀମାନେ କହିଛନ୍ତି ଯେ ଗଲ୍ଫ ଏବଂ ଅନ୍ୟାନ୍ୟ ଦେଶରୁ ଭାରତୀୟ ସାଧାରଣ ନାଗରିକଙ୍କୁ ସ୍ଥାନାନ୍ତର କରିବା ପାଇଁ ମୋଟ 14 ଟି ଯୁଦ୍ଧ ଜାହାଜ ପଠାଯାଇଛି।
