ଇସଲାମାବାଦ: ସାରା ବିଶ୍ବ ସମେତ ପାକିସ୍ତାନ ମଧ୍ୟ କୋରୋନା ଭାଇରସ ବିରୋଧରେ ଲଢେଇ ଜାରି ରଖିଛି । ମାତ୍ର ପାକିସ୍ତାନ ସରକାରଙ୍କ କୋରୋନା କଟକଣାରେ ବେପରୁଆମି କାରଣରୁ ଏହାର ଭୟାଭୟତା ବଢିବାରେ ଲାଗିଛି । ପାକ ସରକାର ଲକଡାଇନର ନିୟମରେ ସାମାନ୍ୟ ଢିଲା ଦେବା କାରଣରୁ କୋରୋନା ମାମଲାରେ ରେକର୍ଡ ବୃଦ୍ଧି ଘଟିଛି । ଗତ 24 ଘଣ୍ଟା ମଧ୍ୟରେ ପାକିସ୍ତାନରେ 627 ଟି ନୂଆ କୋରୋନାଭାଇରସ୍ ରିପୋର୍ଟ ହୋଇଥିବାବେଳେ ଏହି ସମୟ ମଧ୍ୟରେ 23 ଜଣ ପ୍ରାଣ ହରାଇଛନ୍ତି ।
ପାକିସ୍ତାନରେ ସମୁଦାୟ 7027 କରୋନା ମାମଲା ହୋଇଥିବାବେଳେ ଏହି ମାରାତ୍ମକ ଜୀବାଣୁ ଯୋଗୁଁ 134 ଜଣଙ୍କର ମୃତ୍ୟୁ ଘଟିଛିନ।
ପ୍ରମୁଖ ଗଣମାଧ୍ୟମ ନ୍ୟୁଜ୍ ରିପୋର୍ଟ ଅନୁଯାୟୀ, ଲକଡାଉନ କୁ କୋହଳ କରାଯିବା କାରଣରୁ କରୋନା ମାମଲା ସଂଖ୍ୟା ବୃଦ୍ଧି ପାଇଛି । ବିଶେଷ କରି ରମଜାନ ମାସରେ, ଇଫତାର ଏବଂ ସେହରୀ ସମୟରେ ଲକ୍ଷାଧିକ ଲୋକ ଏକତ୍ରୀତ ହେବାର ଆଶଙ୍କା କାରଣରୁ ମାରାତ୍ମକ ଭାଇରସ ବିସ୍ତାର ହେବ। ଏହାର ମୁଖ୍ୟ କାରଣ ହୋଇପାରେ |
ଜାତୀୟ ସ୍ୱାସ୍ଥ୍ୟ ସେବା ମନ୍ତ୍ରଣାଳୟର ଜଣେ ଅଧିକାରୀ କହିଛନ୍ତି ଯେ ଗତ 24 ଘଣ୍ଟା ମଧ୍ୟରେ ପ୍ରଥମ ଥର ପାଇଁ 5,300 ପରୀକ୍ଷା କରାଯାଇଛି। ଯେଉଁଠାରେ ପୂର୍ବରୁ ପ୍ରାୟ 2400 ପରୀକ୍ଷା ସାଧାରଣରେ କରାଯାଉଥିଲା |
@IANS ଇନପୁଟ
