ସିଓଲ: କୋରୋନା କବଳରେ ସାରା ବିଶ୍ବ ଅସ୍ତବ୍ୟସ୍ତ । ଏହାକୁ ନେଇ ସାରା ବିଶ୍ବରେ ଜାରି ରହିଛି ଅଧ୍ୟୟନ ଓ ଗବେଷଣା । ତଥାପି ଆଜି ଯାଏଁ ଜଣଆ ପଡିପାରିଲା ନାହିଁ ଏହାର ଉତ୍ପତ୍ତିର କାରଣ କିମ୍ବା ଏହାର ପ୍ରତିଷେଧକ । ଏପତି ସ୍ଥିତିରେ କୋରିଆର କିଛି ଡାକ୍ତର ଓ ଗବେଷକ ଦେଇଛନ୍ତି ଏକ ଏପରି ମତ ଯାହା ଶୁଣିଲେ ଉଡିଯିବ ଆପଣଙ୍କ ହୋସ ।
ଦକ୍ଷିଣ କୋରିଆର ଡାକ୍ତର ଓ ଗବେଷକମାନଙ୍କ କହିବା ଅନୁଯାୟୀ କୋରୋନା ସଂକ୍ରମଣରେ ଦେଖାଯାଇଛି ଏକ ନୂଆ ଲକ୍ଷଣ । ଏହାଦ୍ବାରା ସଂକ୍ରମିତ ହୋଇଥିବା ବ୍ୟକ୍ତିମାନେ ସମ୍ପୂର୍ଣ୍ଣ ସୁସ୍ଥ ହୋଇସାରିବା ପରେ ସେମାନଙ୍କ ପାଖରେ ପୁଣି ଏହି ଭୂତାଣୁ ସକ୍ରିୟ ହୋଇଥିବା ଦେଖିବାକୁ ମିଳିଛି । ଏଥିସହ କେତେକ ଚିକିତ୍ସିତ ସଂକ୍ରମିତଙ୍କ କ୍ଷେତ୍ରରେ ଟେଷ୍ଟର ଫଳାଫଳରେ ବାରମ୍ବାର ପରିବର୍ତ୍ତନ ହେଉଥିବା ମଧ୍ୟ ଦେଖିବାକୁ ମିଳିଛି ।
ଅନ୍ୟ ଶବ୍ଦରେ କହିବାକୁ ଗଲେ ଦେଖାଯାଇଛି କି କେତେକ ଚିକିତ୍ସିତ ସଂକ୍ରମିତଙ୍କର ପ୍ରଥମ ଟେଷ୍ଟ ପଜିଟିଭ, ଦ୍ବିତୀୟ ଟେଷ୍ଟ ନେଗେଟିଭ, ତୃତୀୟ ନେଗେଟିଭ ଓ ଚତୁର୍ଥ ପଜିଟିଭ ଆସୁଥିବା ଦେଖିବାକୁ ମିଳିଛି । ଏମିତିରେ ସଂକ୍ରମିତଙ୍କ ସ୍ବାସ୍ଥ୍ୟାବସ୍ଥା ସ୍ପଷ୍ଟ ଜଣା ନପଡିବା ସହ ସେମାନଙ୍କ ଚିକିତ୍ସା ପ୍ରଣାଳୀ ମଧ୍ୟ ପ୍ରଭାବିତ ହେଉଛି । ଫଳସ୍ବରୂପ ସମ୍ପୂର୍ଣ୍ଣ ସୁସ୍ଥ ହୋଇ ଘରକୁ ଫେରିଥିବା ଲୋକଙ୍କ ପାଖରେ ପୁଣି ଏକ ଭୂତାଣୁ ସକ୍ରିୟ ହେଉଥିବା ଦେଖିବାକୁ ମିଳିଛି ।
ତେବେ ଦକ୍ଷିଣ କୋରିଆ ଏକ ଏପରି ଦେଶ ଯେଉଁଠାରେ କୋରୋନାର ସଂକ୍ରମଣ ତୀବ୍ର ବେଗରେ ବ୍ୟାପିବା ସତ୍ତ୍ବେ ଏହି ଦେଶରେ ମାତ୍ର 200 ମୃତ୍ୟୁ ରେକର୍ଡ କରାଯାଇଛି । ଏହି ଲକ୍ଷଣ ନା ଯେ କେବଳ କୋରିଆରେ ଦେଖାଦେଇଛି ବରଂ ଏହା ଚୀନରେ ମଧ୍ୟ ଦେଖାଯାଇଥିବା ଜଣା ପଡିଛି । ହେଲେ ହଠାତ୍ କୋରୋନା ସଂକ୍ରମଣରେ ପ୍ରକାଶ ପାଇଥିବା ଏହି ନୂଆ ଲକ୍ଷଣ ୟେ କେତେ ମାରାତ୍ମକ ତାହା ଆଗାମୀ ପରୀକ୍ଷାରୁ ସ୍ପଷ୍ଟ ଜଣା ପଡିବ ବୋଲି କହିଛନ୍ତି ସମ୍ପୃକ୍ତ ଡାକ୍ତର ଓ ଗବେଷକ ।
