ଢାକା: ବାଂଲାଦେଶରେ ବିତ୍ପାତ୍ତରେ ପରିଣତ ହୋଇଛି କୋରୋନା ସଂକ୍ରମଣ । ଦେଶରେ କିଛି ଦିନର ସାମାନ୍ୟତମ ପରିସ୍ଥିତି ପରେ ଏବେ ପୁଣି ସାଙ୍ଘାତିକ ହେବାରେ ଲାଗିଛି ସ୍ଥିତି । ଏମିତିରେ ଗତ 24 ଘଣ୍ଟା ମଧ୍ୟରେ ଦେଶରେ 42 ଜଣଙ୍କ ମୃତ୍ୟୁ ସହ ଦେଶରୋ କୋରୋନା ଜନିତ ମୋଟ ମୃତ୍ୟୁ ସଂଖ୍ୟା 1968ରେ ପହଞ୍ଚିଛି । ସେପଟେ ଗତ 24 ଘଣ୍ଟାରେ 3114 ନୂଆ ସଂକ୍ରମଣ ସହ ମୋଟ ଆକ୍ରାନ୍ତ ସଂଖ୍ୟା 156,391ରେ ପହଞ୍ଚିଛି ।
ହେଲେ ଦେଶରେ 1606 ଜଣ ଆକ୍ରାନ୍ତ ମଧ୍ୟ ଗୋଟିଏ ଦିନ ମଧ୍ୟ ସୁସ୍ଥ ହୋଇଥିବା ରେକର୍ଡ କରାଯାଇଛି । ଏଥିସହ ଦେଶରେ ମୋଟ ସୁସ୍ଥ ସଂଖ୍ୟା 68,048ରେ ପହଞ୍ଚିଥିବା ପ୍ରକାଶିତ । ଏନେଇ ସୂଚନା ଦେଇଛନ୍ତି ଡିଜିଏଚଏସ ଅତିରିକ୍ତ ସାଧାରଣ ନିର୍ଦ୍ଦେଶକ ନସିମା ସୁଲତାନା । ସେ କହିଛନ୍ତି କି ଦେଶରେ ବର୍ତ୍ତମାନ ସୁସ୍ଥତା ହାର 43.51 ପ୍ରତିଶତ ରହିଛି । ସେପଟେ ମୃତ୍ୟୁହାର 1.26 ପ୍ରତିଶତ ରହିଛି ।
ସୂଚନା ମୁତାବକ ଗତ 24 ଘଣ୍ଟାରେ ରେକର୍ଡ ହୋଇଥିବା 42 ଜଣଙ୍କ ମଧ୍ୟତରେ 32 ଜଣ ପୁରୁଷ ଓ 10 ଜଣ ମହିଳାଙ୍କ ମୃତ୍ୟୁ ହୋଇଛି । ଏମାନଙ୍କ ମଧ୍ୟରେ ଜଣେ 11ରୁ 20 ବର୍ଷ ବୟସ୍କ, 3ଜଣ 21ରୁ 30 ବର୍ଷ ବୟସ୍କ, 31ରୁ 40 ବର୍ଷ ବୟସ୍କ ଜଣେ, 41ରୁ 50 ବର୍ଷ ବୟସ୍କ 5 ଜଣ, 51ରୁ 70 ବର୍ଷ ବୟସ୍କ 22 ଜଣ ଓ 7 ଜଣ 71ରୁ 80 ବର୍ଷ ବୟସ୍କ ରହିଛନ୍ତି ।
@IANS
