ଇସଲାମାବାଦ: ପାକିସ୍ତାନରେ ଅଣାୟତ୍ତ ହେବାରେ ଲାଗିଛି କୋରୋନା ସ୍ଥିତି । ଦେଶରେ ଆକ୍ରାନ୍ତ ସଂଖ୍ୟା ସୋମବାର ସୁଦ୍ଧା 103,671ରେ ପହଞ୍ଚିଥିବା ଜଣା ପଡିଛି । ଏଥିସହ ପାକିସ୍ତାନ ବିଶ୍ବର କୋରୋନା ଆକ୍ରାନ୍ତ ସଂଖ୍ୟା ତାଲିକାରେ 16ତମ ସ୍ଥାନରେ ପହଞ୍ଚିଛି । ସେପଟେ ଦେଶରେ କୋରୋନା ମୃତ୍ୟୁ ବେଲଗାମ ହୋଇ ଚାଲିଥିବା ବେଳେ ମୋଟ ସଂଖ୍ୟା 2067ରେ ପହଞ୍ଚିଛି ।
ଦେଶରେ କୋରୋନା ଦ୍ବାରା ସବୁଠାରୁ ଅଧିକ ପ୍ରଭାବିତ ହୋଇଥିବା ପଞ୍ଜାବ ପ୍ରାନ୍ତରେ 38,903 ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି । ପରେ ପରେ ସିନ୍ଧରେ 38,108 ଆକ୍ରାନ୍ତ, ଖୈବର-ପଖତୁଙ୍ଖୱାରେ 13,487 ଆକ୍ରାନ୍ତ, ବାଲୋଚିସ୍ତାନରେ 6516, ଗିଲଗିଟ-ବାଲଟିସ୍ତାନରେ 932, ଇସଲାମାବାଦରେ 5329 ଓ ପାକିସ୍ତାନ ଅଧିକୃତ କାଶ୍ମୀରରେ 396 ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି ।
ଗତ 24 ଘଣ୍ଟା ମଧ୍ୟରେ ଦେଶରେ 65 ଜଣଙ୍କ ମୃତ୍ୟୁ ହୋଇଥିବା ଜଣା ପଡିଛି । ସେପଟେ ବର୍ତ୍ତମାନ ସୁଦ୍ଧା ଦେଶରେ 34,355 ଜଣ ଆକ୍ରାନ୍ତ ସୁସ୍ଥ ହୋଇ ସାରିଛନ୍ତି ।
@IANS
