ବେଜିଂ: ଚୀନ ତାର ବୈଜ୍ଞାନିକ ପରୀକ୍ଷଣ ପାଇଁ ଏକ ନୂତନ ରିମୋଟ ସେନସିଂ ସାଟେଲାଇଟ ୟୋଗାନର ପରୀକ୍ଷଣ କରିଛି । ରବିବାର ସମୟ 11ଟା 44ରେ ଜିଓକାନ୍ ସାଟେଲାଇଟ୍ ଲଞ୍ଚ ସେଣ୍ଟରରୁ ଉତକ୍ଷେପଣ ହୋଇଛି ।
ସାଟେଲାଇଟ ୟୋଗାନ୍ -33, ଏକ ଲଙ୍ଗ ମାର୍ଚ୍ଚ -4ସି ରକେଟରେ ଉତକ୍ଷେପଣ କରାଯାଇଥିଲା ଏବଂ ଯୋଜନାବଦ୍ଧ ଭାବରେ କକ୍ଷପଥରେ ସଫଳତାର ସହ ପ୍ରବେଶ କରିଛି । ଏହା ଲଙ୍ଗ ମାର୍ଚ୍ଚ କ୍ୟାରିଅରରେ ରକେଟ୍ ସିରିଜର 357ତମ ଫ୍ଲାଇଟ୍ ମିଶନ ଥିଲା । ଏହି ମିଶନ କକ୍ଷପଥରେ ଏକ ମାଇକ୍ରୋ ଏବଂ ନାନୋ ଟେକ୍ନୋଲୋଜି ପରୀକ୍ଷଣ ଉପଗ୍ରହ ପଠାଇବାରେ ସଫଳ ହୋଇଛି ।
ଏହି ଦୁଇଟି ଉପଗ୍ରହ ବୈଜ୍ଞାନିକ ପରୀକ୍ଷଣ, ଭୂମି ସମ୍ବଳର ସର୍ଭେ,ଫସଲ ଅମଳର ଆକଳନ ଓ ପ୍ରାକୃତିକ ବିପର୍ଯ୍ୟାୟ ନିରାକରଣ କ୍ଷେତ୍ରରେ ସହାୟକ ହେବ ବୋଲି ଚୀନ ପକ୍ଷରୁ ସୂଚନା ମିଳିଛି ।
@IANS
