ନୂଆଦିଲ୍ଲୀ: ବିଦେଶରେ ପୁଣି ଭାରତର ଦବଦବା । ପ୍ରଧାନମନ୍ତ୍ରୀ ମୋଦିଙ୍କୁ ମିଳିଲା ଭୁଟାନର ସର୍ବୋଚ୍ଚ ବେସାମରିକ ସମ୍ମାନ(Bhutan confers highest civilian award on PM Modi) । ଭୁଟାନ ସରକାର ପିଏମ ନରେନ୍ଦ୍ର ମୋଦିଙ୍କୁ ନିଜର ସର୍ବୋଚ୍ଚ ବେସାମରିକ ସମ୍ମାନ 'ନାଗଦାଗ ପେଲ ଗି ଖୋର୍ଲୋ'(Ngadag Pel gi Khorlo)ରେ ସମ୍ମାନିତ କରିଛନ୍ତି । ଏନେଇ ଭୁଟାନ ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଟ୍ବିଟ୍ ଯୋଗେ ସୂଚନା ଦିଆଯାଇଛି ।
ବନ୍ଧୁତା ଏବଂ ସହଭାଗିତା ପାଇଁ ଭୁଟାନ ସରକାର ମୋଦିଙ୍କୁ ଏହି ପୁରସ୍କାର ପ୍ରଦାନ କରିଛନ୍ତି । ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ଜାରି ବିବୃତ୍ତିରେ କୁହାଯାଇଛି, ବିଗତ ବର୍ଷରେ ଭାରତ ଭୁଟାନ ପ୍ରତି ସହଯୋଗ ଏବଂ ନିଃସର୍ତ୍ତ ବନ୍ଧୁତ୍ବପୂର୍ଣ୍ଣ ଭାବ ପ୍ରଦର୍ଶନ କରିଆସିଛି । ବିଶେଷକରି ମହାମାରୀ ସମୟରେ ଭାରତ ସରକାର ବିଶେଷ ସହାୟତା କରିଛନ୍ତି । ଏହି ସର୍ବୋଚ୍ଚ ସମ୍ମାନ ପାଇଁ ଭୁଟାନ ପିଏମ୍ ନିଜ ଦେଶବାସୀଙ୍କ ପକ୍ଷରୁ ମୋଦିଙ୍କୁ ଶୁଭେଚ୍ଛା ଜଣାଇ ସେ ତାଙ୍କୁ ସବୁବେଳେ ଜଣେ ଆଧ୍ୟାତ୍ମିକ ପୁରୁଷ ଭାବେ ଦେଖୁଥିବା କହିଛନ୍ତି ଏବଂ ଭୁଟାନ ଆସିବାକୁ ନିମନ୍ତ୍ରଣ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
