ଢାକା: ବାଂଲାଦେଶରେ କୋରୋନା ପରିସ୍ଥିତିକୁ ନଜରରେ ରଖି ପ୍ରଧାନମନ୍ତ୍ରୀ ଶେଖ ହସିନା କରିଛନ୍ତି ଅନେକ ଗୁରୁତ୍ବପୂର୍ଣ୍ଣ ଘୋଷଣା । ସୋମବାର ଦେଶର କାର୍ଯ୍ୟକାରୀ ଅଧିକାରୀଙ୍କ ସହ ଭିଡିଓ କନଫରେନ୍ସିଂ ଚାଲିଥିବା ସମୟରେ ସେ ଏହି ଘୋଷଣା କରିଛନ୍ତି । ସେ କହିଛନ୍ତି କି ଆଗାମୀ ସେପ୍ଟେମ୍ବର ପର୍ଯ୍ୟନ୍ତ ଦେଶର ସମସ୍ତ ଶିକ୍ଷାନୁଷ୍ଠାନ ବନ୍ଦ ରହିବ । ହେଲେ ଅନ୍ୟ ବ୍ୟବସାୟ ଓ ଦୋକାନ ବଜାର ଉପରେ ଧିରେ ଧିରେ କଟକଣା କୋହଳ ହେବ ।
ନିଜ ସରକାରୀ ବାସଭବନ ଗାନୋଭବନରେ ସୋମବାର ଏହି ଭିଡିଓ କନଫରେନ୍ସ ଚାଲିଥିବା ବେଳେ ହସିନା ଏହି ଘୋଷଣା କରିଥିଲେ । ସେ ଏହା ମଧ୍ୟ ସ୍ପଷ୍ଟ କରିଛନ୍ତି କି ଦେଶରେ ଲୋକଙ୍କ ଜୀବନ ଓ ଜୀବିକା ଉଭୟ ବଞ୍ଚାଇବା ପାଇଁ ଚେଷ୍ଟା ଚାଲିଛି । ଏହାକୁ ନଜରରେ ରଖି ଶିକ୍ଷାନୁଷ୍ଠାନଗୁଡିକୁ ସେପ୍ଟେମ୍ବର ଯାଏଁ ବନ୍ଦ କରିବାକୁ ନିଷ୍ପତ୍ତି ନିଆଯାଇଛି । ଅନ୍ୟପଟେ ଦେଶରେ ଅନ୍ୟ କ୍ଷେତ୍ରଗୁଡିକରେ କୋରୋନା ସ୍ଥିତିରେ ସୁଧାର ଅନୁଯାୟୀ ନିୟମ କୋହଳ କରାଯିବ ।
ସୂଚନା ଅନୁଯାୟୀ ବାଂଲାଦେଶରେ ଏଯାବତ କୋରୋନା ଆକ୍ରାନ୍ତ ସଂଖ୍ୟା 5416ରେ ପହଞ୍ଚିଥିବା ବେଳେ ମୃତ୍ୟୁ ସଂଖ୍ୟା 145ରେ ସ୍ଥିର ରହିଛି ।
