ହାନୋଇ: ଦକ୍ଷିଣପୂର୍ବ ଏସିଆର ଏକ ଆଞ୍ଚଳିକ ସଂସଦୀୟ ଦଳ ଦକ୍ଷିଣପୂର୍ବ ଏସିଆନ ରାଷ୍ଟ୍ର ଆସୋସିଏସନ(ଆସିଆନ)ର ନେତାମାନଙ୍କ ମିଳିତ ସହଯୋଗରେ କୋରୋନା ଲଢେଇ ପାଇଁ ଆରମ୍ଭ କରିବେ ନୂଆ ଯୋଜନା । ଏହି ଯୋଜନା ଦ୍ବାରା କୋରୋନା ମହାମାରୀ ସମୟରେ ମାନବ ଅଧିକାରକୁ ନେଇ ସୃଷ୍ଟି ହୋଇଥିବା ସମସ୍ୟାର ସମାଧାନ ମୂଳ ଲକ୍ଷ୍ୟ ରହିବ ବୋଲି ସ୍ପଷ୍ଟ ହୋଇଛି । ଶୁକ୍ରବାର ଏନେଇ ଆସିଆନ ରାଷ୍ଟ୍ରସମୂହର ରାଷ୍ଟ୍ରପତି ଓ ପ୍ରଧାନମନ୍ତ୍ରୀନମାନେ ଏକାଠି ହୋଇ ବାର୍ଷିକ ସମ୍ମିଳନୀରେ ଆଲୋଚନା କରିବେ । ଚଳିତବର୍ଷର ଯାତାୟତ କଟକଣାକୁ ନଜରରେ ରଖି ଏହି ଆଲଚନା ଅନଲାଇନ ମାଧ୍ୟମରେ କରାଯିବ ।
ବର୍ତ୍ତମାନ ଆସିଆନର ପ୍ରତିନିଧିତ୍ବ କରୁଥିବା ଭିଏତନାମର ପ୍ରଧାନମନ୍ତ୍ରୀ ଗୁୟେନ ଜୁଆନ ଫୁକଙ୍କୁ ଏନେଇ ଚିଠି ଲେଖି ଜଣାଇଛି ଏପିଏଚଆର୍ ବା ମାନବ ଅଧିକାର ପାଇଁ ଆସିଆନ ସଂସଦୀୟ ଦଳ । କୋରୋନା ମହାମାରୀ ପାଇଁ ବିଶ୍ବରେ ଆପାତକାଳୀନ ସ୍ଥିତି ସୃଷ୍ଟି ହୋଇଥିବା ବେଳେ ମାନବ ଅଧିକାରକୁ ନେଇ ସୃଷ୍ଟି ହୋଇଛି ବିଭିନ୍ନ ସମସ୍ୟା । ଆସିଆନ ଅଧିନସ୍ଥ ରାଷ୍ଟ୍ରମାନଙ୍କରେ କୋରୋନାର ଉତ୍କଟ ପ୍ରଭାବ ଦେଖିବାକୁ ନମିଳିଥିବା ସତ୍ତ୍ବେ ଏହାଦ୍ବାରା ମାନବ ଅଧିକାର ଅନେକ ସମୟରେ କ୍ଷୁର୍ଣ୍ଣ ହେବା ସହ ଅସମାନତାର ପରି ପରିସ୍ଥିତି ସୃଷ୍ଟି ହୋଇଥିବା ଦେଖାଯାଇଛି ।
ଏହି କ୍ଷେତ୍ରରେ କମିଟି ଆବଶ୍ୟକ ସମୟରେ ଅତି ଜରୁରୀ ସେବା ଯେପରିକି ଶ୍ରମିକ ଓ ଶରଣାର୍ଥୀଙ୍କୁ ସୁରକ୍ଷା ସମେତ ଅନ୍ୟ ମୌଳିକ ଅଧିକାର ଯୋଗାଇବାରେ ଆସିଆନ କେଉଁଠି ନା କେଉଁଠି ବିଫଳ ହୋଇଥିବା ହୃଦବୋଧ କରିଛି । ଏନେଇ ଚିଠିରେ ଲେଖିଛନ୍ତି ଏପିଏଚଆର୍ ଅଧ୍ୟକ୍ଷ ତଥା ମାଲେସିଆ ସାଂସଦ ଚାର୍ଲ୍ସ ଶାଣ୍ଟିଆଗୋ । ଏନେଇ ମାଲେସିଆନ ସାଂସଦମାନେ ଉଦ୍ବେଗ ପ୍ରକାଶ କରି ସମ୍ପୃକ୍ତ ଅଞ୍ଚଳଗୁଡିକରେ ସ୍ବାସ୍ଥ୍ୟଗତ ସମସ୍ୟା ସୃଷ୍ଟି ହେଉଥିବା ପ୍ରକାଶ କରିଛନ୍ତି ।
ଶାଣ୍ଟିଆଗୋ ଏହା ମଧ୍ୟ କହିଛନ୍ତି କି କୋରୋନା ମହାମାରୀ ପାଇଁ ଆସିଆନ ରାଷ୍ଟ୍ରମାନଙ୍କରେ ଲିଙ୍ଗଗତ ଭେଦଭାବ ପୁଣି ମୁଣ୍ଡ ଟେକିଛି । ଏହାଦ୍ବାରା ମହିଳାମାନେ ଅଧିକ ପ୍ରତାଡିତ ହେବା ସହ ଘରୋଇ ହିଂସାର ସମ୍ମୁଖୀନ ହେଉଛନ୍ତି । ଏଥିସହ ସେମାନେ ସଠିକ୍ ସ୍ବାସ୍ଥ୍ୟସୁବିଧାରୁ ମଧ୍ୟ ବଞ୍ଚିତ ହେଉଥିବା ଦେଖାଯାଉଛି । ତେଣୁ ଆସିଆନର ନେତା ଭାବରେ ଏହି ସବୁ ସମସ୍ୟାର ସମାଧାନ ପାଇଁ ପଦକ୍ଷେପ ନିଆଯିବା ଦରକାର ଓ ଯୋଜନା ପ୍ରସ୍ତୁତ ହେବା ଦରକାର ବୋଲି ଚିଠିରେ ଉଲ୍ଲେଖ ରହିଛି ।
ସୂଚନା ମୁତାବକ ଆସିଆନରେ ସାମିଲ ରହିଛନ୍ତି ମିଆଁମାର, ବ୍ରୁନେଇ, କାମ୍ବୋଡିଆ, ଫିଲିପାଇନ୍ସ, ଇଣ୍ଡୋନେସିଆ. ଲାଓସ, ମାଲେସିଆ, ସିଙ୍ଗାପୁର, ଥାଇଲାଣ୍ଡ ଓ ଭିଏତନାମ ।
@IANS
