ବେଜିଂ: ଭୂକମ୍ପ ଝଟକାରେ ଥରିଲା ଚୀନ । ଚୀନର ସିଚୁଆନ୍ ପ୍ରଦେଶ ଲୁଜୋ ସହରର ଲୁକ୍ସିଆନ୍ କାଉଣ୍ଟିରେ ୬.୦ ତୀବ୍ରତାର ଏକ ଭୂକମ୍ପ ଅନୁଭୂତ ହୋଇଛି । ଫଳରେ ଭୂକମ୍ପ ଝଟକାରେ ୨ଜଣଙ୍କର ମୃତ୍ୟୁ ହୋଇଥିବା ବେଳେ ୩ ଜଣ ଆହତ ହୋଇଥିବା ସୂଚନା ମିଳିଛି। ଲୁକ୍ସିଆନ୍ ଜିଲ୍ଲାର ଫୁଜି ଟାଉନସିପ୍ ଅନ୍ତର୍ଗତ ଏକ ଗ୍ରାମରେ ୩ଜଣଆହତ ହୋଇଥିବା ସ୍ଥାନୀୟ କର୍ତ୍ତୃପକ୍ଷ ସୂଚନା ଦେଇଥିଲେ ।
ତେବେ ଆଜି ଭୋର ୪ଟା ୩୩ ମିନିଟରେ ଏହି ଭୂକମ୍ପ ହୋଇଥିବା ଚାଇନା ଭୂକମ୍ପ ନେଟୱାର୍କ କେନ୍ଦ୍ର ତରଫରୁ କୁହାଯାଇଛି । ଏହାର ଗଭିରତା ୧୦ କିଲୋମିଟର ହୋଇଥିବା ବେଳେ ଉତ୍ତର ଅକ୍ଷାଂଶ ୨୯.୨ ଡିଗ୍ରୀ ଓ ପୂର୍ବ ଦ୍ରାଘିମା ୧୦୫.୩୪ ରେକର୍ଡ କରାଯାଇଛି ।
ଏନେଇ ସେଠାକାର ଅସ୍ଥାୟୀ ସରକାର ଉଦ୍ଧାରକାର୍ଯ୍ୟ ପାଇଁ ଯୁଦ୍ଧ କାଳୀନ ଭିତ୍ତିରେ ଦ୍ବିତୀୟ ସର୍ବୋଚ୍ଚ ଉଦ୍ଧାରକାର୍ଯ୍ୟ ବ୍ୟବସ୍ଥା କରିଛନ୍ତି । ତେବେ ଉଦ୍ଧାର କାର୍ଯ୍ୟ ପାଇଁ ଲୁଜୋ ସିଟିର ପ୍ରଶାସନ ବିପର୍ଯ୍ୟୟ ପ୍ରସମନ ବାହୀନି ଆରମ୍ଭ କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
