କାବୁଲ: ଶନିବାର କାବୁଲରେ ହୋଇଥିବା ଏକ ବୋମା ବିସ୍ଫୋରଣରେ ଦୁଇ ସ୍ବାଧୀନ ମାନବାଧିକାର କମିଶନ ଅଧିକାରୀଙ୍କର ମୃତ୍ୟୁ ହୋଇଛି । ପୋଲିସ ସୂଚନା ମୁତାବକ ସକାଳ ପ୍ରାୟ 7ଟା 45ରେ କାବୁଲର ବୋଟଖାକ ଠାରେ ଏହି ବିସ୍ଫୋରଣ ହୋଇଥିଲା । ଏହି ସମୟରେ ଉଭୟ ଅଧିକାରୀ ନିଜ କାର୍ଯ୍ୟାଳୟକୁ ଯାଉଥିଲେ ।
ତେବେ ଉଭୟ କର୍ମୀ ଯାତ୍ରା କରୁଥିବା କାରରେ ଶତୃଙ୍କ ପୂର୍ବ ଯୋଜନା ମୁତାବକ ଏକ ଆଇଇଡି ଖଞ୍ଜାଯାଇଥିବା ଜଣାପଡିଛି । ଏନେଇ ଗଣମାଧ୍ୟମକୁ ସ୍ପଷ୍ଟ କରିଛନ୍ତି କାବୁଲ ପୋଲିସ ମୁଖପାତ୍ର ଫିରଡସ ଫାରାମାର୍ଜ । ସେପଟେ ମାନବାଧିକ କମିଶନ ମୁଖପାତ୍ର ମୁହମ୍ମଦ ରେଜା ଜାଫାରୀ ମୃତକଙ୍କ ପରିଚୟ ଦେବାକୁ ମନା କରିଥିବା ବେଳେ ସେମାନଙ୍କ ମଧ୍ୟରେ ଜଣେ ମହିଳା ରହିଥିବା ସୂଚନା ଦେଇଛନ୍ତି ।
ଏହି ବିସ୍ଫୋରଣ ପଛରେ ଏଯାବତ୍ କୌଣସି ଦଳ ନିଜକୁ ଦାୟୀ କରିନାହାନ୍ତି । ତେଣେ ଏହି ଆକ୍ରମଣ ପରେ ସହରରେ ଭୟର ବାତାବରଣ ସୃଷ୍ଟି ହେବା ସହ ଅଧିକାରକୁ ନେଇ ନାନା ପ୍ରଶ୍ନ ସୃଷ୍ଟି ହୋଇଛି । ତେବେ ୟୁଏନ ଆସିସ୍ଣ୍ଟାନ୍ସ ମିଶନର କହିବା ଅନୁଯାୟୀ ଏହିପରି ଭାବେ ମାନବାଧିକାର କମିଶନ ଅଧିକାରୀଙ୍କ ଉପରେ ଆକ୍ରମଣ କେହି ଚିନ୍ତା ବି କରିପାରିବେ ନାହିଁ । ଏହାପଛରେ କ’ଣ କାରଣ ଥାଇ ପାରେ ତାହା କଳ୍ପନ ମଧ୍ୟ କରାଯାଇପାରୁନାହିଁ । ଏନେଇ ତୁରନ୍ତ ଉଚ୍ଚସ୍ତରୀୟ ତଦନ୍ତର ଆବଶ୍ୟକତା ଥିବା ମିଶନ ପ୍ରକାଶ କରିଛି ।
@IANS
