ୱାଶିଂଟନ: ରାଷ୍ଟ୍ରପତିରୁ ବକ୍ସର ସାଜିଲେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ବୁଧବାର ଟ୍ରମ୍ପ ନିଜର ଏକ ଫଟୋସପ ହୋଇଥିବା ଫଟୋ ଟ୍ବିଟରରେ ସେୟାର କରିଛନ୍ତି, ଯେଉଁଥିରେ ସେ ବକ୍ସର ରୂପରେ ନଜର ଆସିଛନ୍ତି । ତେବେ ଏହି ଫଟୋ ସହ ସେ କୌଣସି କ୍ୟାପସନ୍ ଲେଖିନାହାଁନ୍ତି ।
ତେବେ ଆମେରିକାରେ ରାଷ୍ଟ୍ରପତି ନିର୍ବାଚନ ହେବାକୁ ଥିବା ବେଳେ ସେ ପ୍ରଚାର ପାଇଁ ଏଭଳି କରିଥାଇ ପାରନ୍ତି ବୋଲି ଆକଳନ କରାଯାଉଛି । ହେଲେ ଏହି ଫଟୋ ଜରିଆରେ ସେ କି ସନ୍ଦେଶ ଦେବାକୁ ଚାହୁଁଛନ୍ତି ? ଏହାର ଉଦ୍ଦେଶ୍ୟ କେବଳ ମନୋରଞ୍ଜନ ପାଇଁ ନା ଏହା ପଛରେ ଆଉ କି ଉଦ୍ଦେଶ୍ୟ ରହିଛି ତାହା ଏବେ ସୁଦ୍ଧା ସ୍ପଷ୍ଟ ହୋଇନାହିଁ ।
ତେବେ ଟ୍ରମ୍ପଙ୍କ ଏହି ଫଟୋ ସୋସିଆଲ ମିଡିଆରେ ଭାଇରାଲ ହେବା ସହ ଏହାକୁ ନେଇ ଭିନ୍ନ ଭିନ୍ନ ପ୍ରକାର ମିମ୍ସ ପ୍ରସ୍ତୁତ କରି ସେୟାର କରୁଛନ୍ତି ୟୁଜର୍ସ ।
