ନୂଆଦିଲ୍ଲୀ: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏକ କଡା ନିଷ୍ପତ୍ତି ଗ୍ରହଣ କରିଛନ୍ତି । ଟ୍ରମ୍ପ ରାଷ୍ଟ୍ରୀୟ ସୁରକ୍ଷା ପରାମର୍ଶଦାତା ଜନ ବୋଲ୍ଟନଙ୍କୁ ନିଜ ପଦରୁ ହଟାଇ ଦେଇଛନ୍ତି । ରାଷ୍ଟ୍ରୀୟ ପରାମର୍ଶଦାତାଙ୍କ ବିଭିନ୍ନ କାର୍ଯ୍ୟରେ ଅସନ୍ତୁଷ୍ଟ ଥିବା ଟ୍ରମ୍ପ କହିଛନ୍ତି ।
ଅନ୍ୟପକ୍ଷେ ଗତ ରାତିରେ ରାଷ୍ଟ୍ରପତି ଟ୍ରମ୍ପଙ୍କୁ ଇସ୍ତଫା ପତ୍ର ପଠାଇ ଦେଇଥିବା ବୋଲ୍ଟନ ଟୁଇଟ କରି ସଫେଇ ଦେଇଛନ୍ତି । ହେଲେ ଟ୍ରମ୍ପ କହିଛନ୍ତି ମୁଁ ଜନଙ୍କୁ ନିଜେ ଇସ୍ତଫା ଦେବାକୁ କହିଥିଲି । ବୋଲ୍ଟନଙ୍କ ସେବାର ଆଉ ଆବଶ୍ୟତା ନଥିବା ବେଳେ ତାଙ୍କର ଅନେକ ପରାମର୍ଶରେ ଟ୍ରମ୍ପ ସହମତ ନଥିବା କହିଛନ୍ତି । ଆଗାମୀ ସପ୍ତାହ ସୁଦ୍ଧା ଦେଶରେ ନୂଆ ରାଷ୍ଟ୍ରୀୟ ପରାମର୍ଶଦାତା ନିଯୁକ୍ତ କରିବା ନେଇ ଟ୍ରମ୍ପ ସୂଚନା ଦେଇଛନ୍ତି ।
