ୱାଶିଂଟନ: ଜଳବାୟୁ ସଙ୍କଟ ଏବେ ବିଶ୍ବ ମୁଣ୍ଡବିନ୍ଧାର କାରଣ ସାଜିଛି । ଯାହାକୁ ପ୍ରତିହତ କରିବାକୁ ସାରା ବିଶ୍ବ ଏବେ ଚିନ୍ତାରେ ପଡିଛି । ତେବେ ଜଳବାୟୁ ପରିବର୍ତ୍ତନ ନେଇ ଆମେରିକା ମୁଖ୍ୟ ଭୂମିକା ଗ୍ରହଣ କରିବ ବୋଲି କହିଛନ୍ତି ରାଷ୍ଟ୍ରପତି ଜୋ ବାଇଡେନ ।
ଜଳବାୟୁ ସଙ୍କଟ ପାଇଁ ଆମକୁ ଏକଜୁଟ ହୋଇ କାମ କରିବା ଆବଶ୍ୟକ । କାରଣ ଏହା ଜଳବାୟୁ ସଙ୍କଟ । ଆମକୁ ଜଣା ଆମେ କଣ କରିବା ଉଚିତ୍ । ଆମେ ଏହା ଉପରେ କାମ କରିବୁ ବୋଲି ବାଇଡେନ ପ୍ରେସ କନଫରେନ୍ସରେ କହିଛନ୍ତି ।
ସୂଚନାଥାଉକି, ଜଳବାୟୁ ପରିବର୍ତ୍ତନକୁ ନେଇ ହୋଇଥିବା ପ୍ୟାରିସ ଚୁକ୍ତିରୁ ଆମେରିକା ଓହରିଯାଇଥିଲା । ତେବେ ବାଇଡେନ ରାଷ୍ଟ୍ରପତି ହେବା ପରେ ଏଥିରେ ପୁଣି ଥରେ ସାମିଲ ହେବ ବୋଲି କୁହାଯାଉଛି । ତେବେ ଆମେରିକାର ପୂର୍ବତନ ରାଷ୍ଟ୍ରପତି ବାରାକ ଓବାମାଙ୍କ ସମୟରେ ପ୍ୟାରିସ ଜଳବାୟୁ ଚୁକ୍ତି ହୋଇଥିଲା। 2016 ମସିହାରେ 187ଟି ଦେଶ ଏକାଠି ହୋଇ ପ୍ୟାରିସ ଜଳବାୟୁ ଚୁକ୍ତିରେ ସ୍ବାକ୍ଷର କରିଥିଲେ।
ବ୍ୟୁରୋ ରିପୋର୍ଟ, ଇଟିଭି ଭାରତ
