ଲଣ୍ଡନ: ଦେଶ ଭିତରେ ପାଚେରୀ ସୃଷ୍ଟି କରିଛି ମହାମାରୀ କୋରୋନା। ସମସ୍ତେ ଭୟଭୀତ ଅବସ୍ଥାରେ ରହୁଛନ୍ତି। ବିଶ୍ବରେ କୋଣ ଅନୁକୋଣରେ ଏବେ ରାଜ୍ କରୁଛି ଏହି ଅଦୃଶ୍ୟ ମହାମାରୀ। ତେବେ ଏହି ଭାଇରସ ବିରୋଧରେ ଏକାଠି ଲଢିବା ପାଇଁ ସବୁ ଦେଶର ମୁଖ୍ୟଙ୍କୁ ଏକାଠି ହେବାକୁ ପଡିବ ବୋଲି ବ୍ରିଟିଶ ପ୍ରଧାନମନ୍ତ୍ରୀ ବୋରିସ ଜନସନ କହିଛନ୍ତି।
ମିଳିତ ଜାତିସଂଘର ସାଧାରଣ ସଭାରେ ଏକ ପୂର୍ବ ଅଭିଭାଷଣରେ ମନ୍ତବ୍ୟ ଦେଇ ଜନସନ କହିଛନ୍ତି ଯେ ମହାମାରୀରେ ନଅ ମାସ ହେବ, ‘ଅନ୍ତର୍ଜାତୀୟ ସମ୍ପ୍ରଦାୟର ସ୍ଥିତି ଖରାପ ରହିଛି। ସମାନ ଶତ୍ରୁ ବିରୁଦ୍ଧରେ ଆଉ 193 ଟି ପୃଥକ ଅଭିଯାନ କରିବା ଉଚିତ ନୁହେଁ ବୋଲି ସେ କହିଛନ୍ତି।
ବୋରିସ ଜନସନ ବିଶ୍ବରେ 92 ଗରିବ ଦେଶକୁ କୋରୋନାଭାଇରସ୍ ଟିକା ପାଇବାରେ ସାହାଯ୍ୟ କରିବେ। ବିଶ୍ବରେ କୋଭାକ୍ସ ଟିକା-କ୍ରୟ ପୁଲ୍ ମାଧ୍ୟମରେ 500 ମିଲିୟନ୍ ପାଉଣ୍ଡ ଦେବାକୁ ମଧ୍ୟ ପ୍ରତିଶ୍ରୁତି ଦେଇଛନ୍ତି। ଆସନ୍ତା ଚାରି ବର୍ଷ ମଧ୍ୟରେ ବ୍ରିଟେନ ବିଶ୍ୱ ସ୍ୱାସ୍ଥ୍ୟ ସଂଗଠନ ପାଇଁ 30% ବୃଦ୍ଧି କରି 340 ନିୟୁତ ପାଉଣ୍ଡକୁ ବୃଦ୍ଧି କରୁଛି ବୋଲି ସେ ଘୋଷଣା କରିଛନ୍ତି।
