ୱାସିଂଟନ୍: ଆମେରିକା ନିର୍ବାଚନକୁ ଆଉ ଦିନ କେଇଟା ବାକି। ଏପଟେ କୋରୋନା କାୟାରେ ଛନ୍ଧି ହୋଇଛନ୍ତି ଟ୍ରମ୍ପ ଦମ୍ପତି । ତେବେ ନିର୍ବାଚନ ପୂର୍ବରୁ ଏହି ସମସ୍ୟା ଟ୍ରମ୍ପଙ୍କ ଚିନ୍ତାକୁ ବଢାଇଦେଇଛି। କେବଳ ରାଷ୍ଟ୍ରପତି ଏକା ନୁହଁନ୍ତି ତାଙ୍କର ସମସ୍ତ ନିକଟ ସହଯୋଗୀ ଏହି ଭାଇରସରେ ଆକ୍ରାନ୍ତ।
ଏପଟେ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଅଭିଯାନ ପରିଚାଳକ ବିଲ୍ ଷ୍ଟେପିଏନ୍ ମଧ୍ୟ କୋରୋନା ପଜିଟିଭ୍ ଥିବା ଆମେରିକାର ଗଣମାଧ୍ୟମ ରିପୋର୍ଟ ପ୍ରକାଶ କରିଛି।
ପଲିଟିକୋ ମିଡିଆ ଆଉଟଲେଟ୍ ଅନୁଯାୟୀ, ଷ୍ଟିପିଏନଙ୍କ ସାମାନ୍ୟ ଫ୍ଲୁ ଭଳି ଲକ୍ଷଣ ରହିଛି । ସେ ସୁସ୍ଥ ହେବା ପର୍ଯ୍ୟନ୍ତ ଘରୁ କାମ କରିବାକୁ ଚାହୁଁଛନ୍ତି । ଗୁରୁବାର ରାତିରେ ରାଷ୍ଟ୍ରପତି ଟ୍ରମ୍ପ ଏବଂ ପ୍ରଥମ ମହିଳା ମେଲାନିଆ ଟ୍ରମ୍ପ କୋରୋନା ପଜିଟିଭ୍ ନେଇ ଟ୍ବିଟ କରି ଜଣାଇଥିଲେ।
