ସାନ ଫ୍ରାନ୍ସିସ୍କୋ: ଗ୍ଲୋବାଲ କମ୍ୟୁନିକେଶନ ପ୍ଲାଟଫର୍ମ ସ୍କାଇପରେ ଆଇଓଏସ ଡିଭାଇସ ପାଇଁ ଆସିଛି ନୂଆ ଫିଚର । ଆଇଫୋନ ଓ ଆଇପ୍ୟାଡ ପାଇଁ ଲଞ୍ଚ ହୋଇଥିବା ସ୍କାଇପର ମୋବାଇଲ ଆପ୍ରେ ଏହି ନୂଆ ଫିଚର ଯୋଡି ହୋଇଛି । ଯାହା ଦ୍ବାରା ସ୍କ୍ରିନକୁ ଆଂଶିକ ବ୍ଲର କରିହେବ । ଅନ୍ୟ ଶବ୍ଦରେ କହିବାକୁ ଗଲେ ମାଇକ୍ରୋସଫ୍ଟ ଟିମ ଦ୍ବାରା ପ୍ରସ୍ତୁତ ହୋଇଥିବା ଏହି ନୂଆ ଫିଚର ଦ୍ବାରା ବ୍ୟାକଗ୍ରାଉଣ୍ଡ ବ୍ଲର କରିହେବ । ତେବେ କେବଳ ଆଇଓଏସ ନୁହେଁ ପିସିରେ ମଧ୍ୟ ଏହି ନୂଆ ଫିଚର ଯୋଡି ହୋଇଛି ।
ଏହି ଫିଚର କେବଳ ଆଇଓଏସ ପାଇଁ ପ୍ରାଥମିକ ସ୍ତରରେ ରୋଲ ଆଉଟ ହୋଇଥିବା ବେଳେ ଆଗାମୀ ଦିନରେ ଏହା ଆଣ୍ଡ୍ରଏଡ ଡିଭାଇସ ପାଇଁ ମଧ୍ୟ ଲଞ୍ଚ ହେବାର ସୂଚନା ରହିଛି । ସେପଟେ ମାତ୍ର କିଛି ସମୟ ପାଇଁ ଏହି ଫିଚରକୁ ପିସି ଓ ଡେସ୍କଟପ ଭର୍ସନ ପାଇଁ ରୋଲ ଆଉଟ କରାଯାଇଛି । ଏନେଇ ସୂଚନା ଦେଇଛି ଦି ଭର୍ଜ ।
ସ୍କାଇପର ଏହି ଲାଟେଷ୍ଟ ଫିଚର ପାଇଁ ୟୁଜର୍ସଙ୍କୁ ଆଇଫୋନ କିମ୍ବା ଆଇପ୍ୟାଡରେ ସ୍କାଇପର ଲାଟେଷ୍ଟ ଭର୍ସନ ଡାଉନଲୋଡ କରିବାକୁ ହେବ । ଏହାଦ୍ବାରା ଭିଡିଓ କଲ ସମୟରେ ୟୁଜର୍ସ ବ୍ୟାକଗ୍ରାଉଣ୍ଡ ବ୍ଲରର ଅପ୍ସନ ପାଇପାରିବେ । ତେବେ ଏହି ଫିଚର ପ୍ରସ୍ତୁତ କରିବା ପାଇଁ ମାଇକ୍ରୋସଫ୍ଟ ଆର୍ଟିଫିସିଆଲ ଇଣ୍ଟେଲିଜେନ୍ସ(ଏଆଇ)ର ବ୍ୟବହାର କରିଥିବା ଜଣା ପଡିଛି । ବୁକେହ ବୋଲି କୁହାଯାଉଥିହା ଏହି ଇଫେକ୍ଟ ବ୍ୟାକଗ୍ରାଉଣ୍ଡରେ ଥିବା କେଶ, ଅନ୍ୟ ମଣିଷ କିମ୍ବା ବସ୍ତୁ ଆଦିକୁ ବ୍ଲର କରିପାରେ । ଫଳରେ ଭିଡିଓ କଲରେ ୟୁଜରଙ୍କ ଉପରେ ଫୋକସ ହୋଇପାରିବ ।
ସମାନ ଭାବେ ଗୁଗୁଲର ଭିଡିଓ କନଫରେନ୍ସିଂ ସର୍ଭିସ ଗୁଗୁଲ ମିଟ୍ରେ ମଧ୍ୟ ଏହି ନୂଆ ଫିଚର ରୋଲ ଆଉଟ ହୋଇଛି । ଏହା ଆଣ୍ଡ୍ରଏଡ ୟୁଜର୍ସଙ୍କ ପାଇଁ ଗୁଗୁଲ ମିଟ୍ର 41.5 ଭର୍ସନରେ ଉପଲବ୍ଧ କରାଇଛି ଗୁଗୁଲ ।
@IANS
