ଓ୍ବାଶିଂଟନ: ୟୁକ୍ରେନ-ଋଷ ମଧ୍ୟରେ ବିବାଦ ଦିନକୁ ଦିନ ବଢିବାରେ ଲାଗିଛି । ସମସ୍ୟାର ସମାଧାନ ପାଇଁ ଯୁକ୍ତରାଷ୍ଟ୍ର ଆମେରିକାର ରାଷ୍ଟ୍ରପତି ଜୋ ବାଇଡେନ୍(us president Joe Biden) ଏବଂ ରୁଷ୍ର ରାଷ୍ଟ୍ରପତି ଭ୍ଲାଦିମିର ପୁଟିନ(Russian president Vladimir Putin) ରାଜି ହୋଇଥିବା ସୂଚନା ରହିଛି । ଏନେଇ ଆମେରିକାର ବୈଦେଶିକ ସଚିବ ଆଣ୍ଟୋନି ବ୍ଲିଙ୍କେନ୍(US Secretary of State Antony Blinken) ସୂଚନା ଦେଇଛନ୍ତି । ଫ୍ରାନ୍ସର ରାଷ୍ଟ୍ରପତି ଏହି ବୈଠକ ପାଇଁ ପ୍ରସ୍ତାବ ଦେଇଥିଲେ ।
ୟୁକ୍ରେନ ଉପରେ ଋଷ ଆକ୍ରମଣ ଯୋଜନା କରୁଥିବାରୁ ଆମେରିକା ଏବଂ ଋଷ ମଧ୍ୟରେ ତିକ୍ତତା ବୃଦ୍ଧି ପାଉଥିବା ନେଇ ବ୍ଲିଙ୍କେନ୍ଙ୍କ ମନ୍ତବ୍ୟ ଦେଇଛନ୍ତି । କିନ୍ତୁ ୟୁକ୍ରେନ ଉପରେ ଆକ୍ରମଣକୁ ନେଇ ସର୍ବଦା ଅସ୍ବୀକାର କରିଆସିଛି ଋଷ ।
ସିଏନଏନକୁ ଦେଇଥିବା ଏକ ସାକ୍ଷାତକାରରେ ବ୍ଲିଙ୍କେନ୍ କହିଛନ୍ତି ଯେ, ଋଷ ଆସନ୍ତା କିଛି ଦିନ ମଧ୍ୟରେ ୟୁକ୍ରେନ ଉପରେ ଆକ୍ରମଣ କରିବାର ଆଶଙ୍କା ଯଥେଷ୍ଟ । ଋଷିଆ ସୈନ୍ୟ ପ୍ରତ୍ୟାହାର ନେଇ ଦାବି କରିଆସୁଥିବା ବେଳେ ସେପରି କିଛି ସୂଚନା ଦୃଶ୍ୟମାନ ହେଉନାହିଁ । ଏବେ ମଧ୍ୟ ଋଷିଆ ସେନାର ବହୁ ଯବାନ ଅତ୍ୟାଧୁନିକ ଯୁଦ୍ଧାସ୍ତ୍ର ସହ ପ୍ରସ୍ତୁତିରେ ଲାଗିଛନ୍ତି ।
ଏହା ମଧ୍ୟ ପଢନ୍ତୁ : Ukraine crisis: ତୁରନ୍ତ ୟୁକ୍ରେନ ଛାଡିବାକୁ ଭାରତୀୟଙ୍କୁ ନିର୍ଦ୍ଦେଶ
ୟୁରୋପର ନିରପତ୍ତା ଓ ରାଜନୈତିକ ସ୍ଥିରତା ଦୃଷ୍ଟିରୁ ଏହି ବୈଠକ ଜରୁରୀ ବୋଲି ଫ୍ରାନ୍ସ ପକ୍ଷରୁ କୁହାଯାଇଥିଲା କେବଳ ଏତିକି ନୁହେଁ, ୟୁକ୍ରେନ ସମସ୍ୟାକୁ ଦୃଷ୍ଟିରେ ରଖି ଭାରତ ନିଜ ଦେଶର ନାଗରିକଙ୍କ ପାଇଁ ସତର୍କ ସୂଚନା ଜାରି କରିଛନ୍ତି ।
