ନୂଆଦିଲ୍ଲୀ: ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଭାରତ ଗସ୍ତକୁ ନେଇ ଜୋରସୋରରେ ଚାଲିଛି ପ୍ରସ୍ତୁତି । ରାଷ୍ଟ୍ରପତି ହେବା ପରେ ଏହା ତାଙ୍କର ପ୍ରଥମ ଭାରତ ଗସ୍ତ । ସେପଟେ ଡୋନାଲ୍ଡ ଟ୍ରମ୍ପ ମଧ୍ୟ ନିଜର ଏହି ଗସ୍ତକୁ ନେଇ ବେଶ ବ୍ୟଗ୍ର ରହିଛନ୍ତି । ଗସ୍ତ ପୂର୍ବରୁ ସେ ଏକ ଭିଡିଓ ଟ୍ବିଟରରେ ସେୟାର କରିଛନ୍ତି । ଯେଉଁଥିରେ ସେ ବାହୁବଳୀ ଅବତାରରେ ନଜର ଆସୁଥିବାବେଳେ ଲେଖିଛନ୍ତି ଭାରତରେ ଥିବା ବନ୍ଧୁଙ୍କୁ ଭେଟିବାକୁ ସେ ବେଶ ଉତ୍ସାହିତ ଅଛନ୍ତି ।
ରବିବାର ଭୋର ସମୟ 4ଟାରେ ଟ୍ରମ୍ପ ଏହି ଭିଡିଓକୁ ସେୟାର କରିଛନ୍ତି । ତେବେ ଭିଡିଓଟି ସେୟାର ହେବାର କିଛି ଘଣ୍ଟା ମଧ୍ୟରେ 13 ହଜାର ଲୋକେ ଏହାକୁ ରିଟ୍ବିଟ କରିବା ସହ 49 ହଜାରୁ ଉର୍ଦ୍ଧ୍ବ ଲୋକେ ଲାଇକ କରିଛନ୍ତି । @solmemes 1 ନାମକ ଏକ ଆକାଉଣ୍ଟରୁ ଟ୍ରମ୍ପ ଏହି ଭିଡିଓଟିକୁ ସେୟାର କରିଛନ୍ତି । ଏହା ପୂର୍ବରୁ ସେ ହିନ୍ଦୀ ଫିଲ୍ମ ତଥା ବଲିଉଡ ଫିଲ୍ମ ଶୁଭ ମଙ୍ଗଳ ସାବଧାନ ଜ୍ୟାଦକୁ ମଧ୍ୟ ଥମ୍ସ ଅଫ ଦେଖାଇଥିଲେ । ଆସନ୍ତାକାଲି ଟ୍ରମ୍ପ ଆସିବାକୁ ଥିବାବେଳେ ଅହମ୍ମଦବାଦରେ ପିଏମ ମୋଦି ଓ ଡୋଲାନ୍ଡ ଟ୍ରମ୍ପଙ୍କ ଏକ ମେଗା ରୋଡ ଶୋ’ କରାଯିବା । କେବଳ ଟ୍ରମ୍ପ ନୁହଁନ୍ତି ତାଙ୍କ ସହ ପତ୍ନୀ ମେଲାନିଆ, ଝିଅ ଓ ଜ୍ବାଇଁ ମଧ୍ୟ ସାଥିରେ ଆସିବେ ।
ସୌଜନ୍ୟ: @ANI
