ସାନ ଫ୍ରାନ୍ସିସ୍କୋ: ଫେସବୁକ ୟୁଜର୍ସଙ୍କ ପାଇଁ ଆସିଛି ନୂଆ ଉପହାର । ସୋସିଆଲ ମିଡିଆ ଜଏଣ୍ଟ ଫେସବୁକ ଏବେ ୟୁଜର୍ସଙ୍କ ପାଇଁ ରୋଲ ଆଉଟ କରିବାକୁ ଯାଉଛି ନିଜସ୍ବ ବିଟମୋଜି ଭର୍ସନ । ଯାହାର ନାମ ରହିଛି ଅଭତାର । ହେଲେ ଏହି ଫିଚର କେବଳ ୟୁଏସ ରେ ଲଞ୍ଚ ହେବାକୁ ଥିବା ଘୋଷଣା କରିଛି ଫେସବୁକ ।
ଗତବର୍ଷ ଲଞ୍ଚ ହୋଇଥିବା ଏହି ବିଟମୋଜି ବା ଅଭତାର ଏହାପୂର୍ବରୁ ଅଷ୍ଟ୍ରେଲିଆ, ନ୍ୟୁଜିଲାଣ୍ଡ, ୟୁରୋପ ଓ କାନାଡାରେ ବ୍ୟବହୃତ ହୋଇ ଆସୁଥିଲା । ହେଲେ ବର୍ତ୍ତମାନ ୟୁଏସରେ ଏହି ଫିଚର ଲଞ୍ଚ କରିବା ସହ ଫେସବୁକ ଏଥିରେ ଅଧିକ ଓ କଷ୍ଟମାଇଜେବଲ ଅପ୍ସନ ମଧ୍ୟ ଆଡ କରିଛି । ଯାହା ୟୁଜର୍ସଙ୍କୁ ନିଜ ପରି ଦେଖାଯାଉଥିବା ଏକ ଇମୋଜି କ୍ରିଏଟ କରିବାରେ ସାହାଯ୍ୟ କରିବ । ଏନେଇ ଇମୋଜିକୁ କଷ୍ଟମାଇଜ କରିବା ପାଇଁ ଅଧିକ ରଙ୍ଗ ଓ ହେୟାରଷ୍ଟାଇଲ ଆଦିର ଅପ୍ସନ ଆଡ କରିଛି ଫେସବୁକ ।
ତେବେ ଏହି ଇମୋଜି ବା ଅଭତାର ନେଇ ଫେସବୁକ କହିଛି ଏହା ଏକ ଡିଜଟାଲ ଫର୍ସୋନା ଯାହା ଲୋକଙ୍କୁ ବ୍ୟକ୍ତିଗତସ୍ତରରେ ଓ ଅଧିକ ଗଭୀରତାର ସହ ଭାବନା ପରିପ୍ରକାଶ କରିବାର ସୁଯୋଗ ଦେବ । ତେଣେ ଆଗ ଅପେକ୍ଷା ବର୍ତ୍ତମାନ ଲୋକେ ଅନଲାଇନ ଲୋକଙ୍କ ସହ କଥାବାର୍ତ୍ତା କରିବାର ମାତ୍ରା ବଢିଥିବାରୁ ଏହି ସମୟରେ ଫେସବୁକ ଏହି ନୂଆ ଆଡିସନ ଲୋକଙ୍କୁ ସହାୟକ ହେବ ବୋଲି ଆଶା ରଖିଛି କମ୍ପାନୀ । ତେବେ ଜଣେ ୟୁଜର୍ସ ନିଜ ଅଭତାର କ୍ରିଏଟ କରିବାକୁ ଚାହିଁଲେ ଫେସବୁକ କିମ୍ବା ମେସେଞ୍ଜର କମେଣ୍ଟ କମ୍ପୋଜରକୁ ଯାଇ ସ୍ମାଇଲି ବଟନ ଉପରେ କ୍ଲିକ କରିବାକୁ ହେବ । ଏହାପରେ ଷ୍ଟିକର ତଳେ ଥିବା ‘କ୍ରିଏଟ ୟୋର ଅଭତାର’ ଅପ୍ସନରେ କ୍ଲିକ କରି ନିଜ ଅଭତାର କ୍ରିଏଟ କରିପାରିବେ ।
@IANS
