ହେଲସିଙ୍କି: ଫିନିସ ଟେଲିକମ ଗିଅର ମେକର ନୋକିଆ ସୃଷ୍ଟି କରିଛି ନୂଆ ବିଶ୍ବ ରେକର୍ଡ । ମଙ୍ଗଳବାର ଏହି କମ୍ପାନୀ ଟେକ୍ସାସସ୍ଥିତି ଓଭର ଦି ଏୟାର ନେଟୱାର୍କରେ ବିଶ୍ବର ଦ୍ରୁତତମ 5ଜି ସେବା ଯୋଗାଇ ରେକର୍ଡ ସୃଷ୍ଟି କରିଛି । କମ୍ପାନୀ କମର୍ସିଆଲ 5ଜି ସଫ୍ଟଓୱାର ଓ ହାର୍ଡଓୱାରର ବ୍ୟବହାରରେ ଟେଷ୍ଟ ପରିଚାଳିତ ହୋଇଥିଲା । ଯାହାର ସ୍ପିଡ 4.7 ଜିବିପିଏସ ଯାଏଁ ପହଞ୍ଚିଥିଲା ।
ଏହି ଟେଷ୍ଟ ପାଇଁ କମ୍ପାନୀ 800MHzର କମର୍ସିଆଲ ମିଲିମିଟର ୱେଭ 5ଜି ସ୍ପେକ୍ଟ୍ରମର ବ୍ୟବହାର କରିଛି । ଏଥିସହ ଡୁଆଲ କନେକ୍ଟିଭିଟି (EN-DC)ର ବ୍ୟବହାର ମଧ୍ୟ ହୋଇଛି । EN-DC ଡିଭାଇସକୁ ଏକାସଙ୍ଗରେ 5ଜି ଓ LTE ନେଟୱାର୍କ ସହ ସଂଯୋଗୀକରଣର ସୁଯୋଗ ଦିଏ । ଏଥିସହ ଏହା ଏୟାର ଇଣ୍ଟରଫେସରେ ଡାଟା ଟ୍ରାନ୍ସମିଟ କରିବାରେ ମଧ୍ୟ ସକ୍ଷମ । ଏହାର ଅର୍ଥ ୟୁଜର୍ସା ଏହାଦ୍ବାରା ଦ୍ବିଗୁଣିତ ଲାଭ ପାଇପାରିବେ ।
କେବଳ LTE ନେଟୱାର୍କ କିମ୍ବା 5ଜିରେ କନେକ୍ଟ କରିବା ଦ୍ବାରା ୟୁଜର୍ସ ଯେତିକି ଲାଭ ପାଇପାରିବେ EN-DC ଡୁଆନ କନେକ୍ଟିଭିଟି ଦ୍ବାରା ୟୁଜର୍ସା ଉଭୟ LTE ନେଟୱାର୍କ ଓ 5ଜିର ସୁବିଧା ପାଇପାରିବେ । ତେବେ ଏହି ଟେଷ୍ଟ ଆମେରିକାରେ 5ଜି ସର୍ଭିସ ପାଇଁ ଏକ ମାଇଲଖୁଣ୍ଟି ସଦୃଶ । ଏନେଇ ମତ ପ୍ରକାଶ କରିଛନ୍ତି ମୋବାଇଲ ନେଟୱାର୍କ ଆଟ ନୋକିଆର ଅଧ୍ୟକ୍ଷ ଟୋମ୍ମି ଉଇଟୋ ।
@IANS
