ସାଣ୍ଟିୟାଗୋ: ଚିଲୀର ଉପକୂଳବର୍ତ୍ତୀ ସହର ବୈଲପରାଇସୋ ଜଙ୍ଗଲରେ ଭୟାବହ ଅଗ୍ନିକାଣ୍ଡ । ନିଆଁର ପ୍ରକୋପ ଏତେ ମାତ୍ରାରେ ଥିଲାଯେ, ଜଙ୍ଗଲ ନିକଟରେ ଥିବା ଘର ଗୁଡିକରେ ବ୍ୟାପିଯାଇଥିଲା । ଘଟଣାରେ 120ଟି ଘର ସମ୍ପୂର୍ଣ୍ଣ ଭାବେ ନଷ୍ଟ ହୋଇଯାଇଛି ।
ସୂଚନାମୁତାବକ,ଦକ୍ଷିଣ ଆମେରିକାସ୍ଥିତ ଚିଲୀ ଲୋକପ୍ରିୟ ସ୍ଥାନ ହେଉଛି ବୈଲପରାଇସୋର । ତେବେ ବୈଲପରାଇସୋର ମେୟର ଜର୍ଜ ଶାର୍ପ ଏକ ଗଣମାଧ୍ୟମକୁ ସୂଚନା ଦେଇ କହିଛନ୍ତି ଯେ, ଜଙ୍ଗଲରେ ନିଆଁ ଆପେ ଆପେ ଲାଗିଛି । ତେବେ ଘଟଣାରେ କେହି ମୃତାହତ ହୋଇନ ଥିବା ଜଣାପଡିନାହିଁ ।
ତେବେ ଜଙ୍ଗଲରେ ନିଆଁ ଲିଭାଇବା କାର୍ଯ୍ୟରେ ସହରର ସମସ୍ତ ଦମକଳବାହୀନିଙ୍କୁ ନିୟୋଜିତ କରାଯାଇଛି । ଉକ୍ତ ଅଞ୍ଚଳରେ ଲୋକଙ୍କୁ ବିଦ୍ୟୁତ କାଟ ଯୋଗୁଁ ଅନେକ ସମସ୍ୟାର ସାମ୍ନା କରିବାକୁ ପଡୁଛି । ତେବେ ରିପୋର୍ଟ ମୁତାବିକ ପ୍ରାୟ 445 ଏକର ଘାସ ନିଆଁରେ ପୋଡି ନଷ୍ଟ ହୋଇଥିବା ଜଣାପଡିଛି ।
ନିଆଁର ପ୍ରକୋପରୁ ରକ୍ଷା ନେଇ ଘର ଗୁଡିକୁ ଖାଲି କରିବା ସହ ଲୋକଙ୍କୁ ଅନ୍ୟତ୍ର ସୁରକ୍ଷା ସ୍ଥାନକୁ ନିଆଯାଉଛି ।
