ମେକ୍ସିକୋ ସିଟି: ମେକ୍ସୋକୋରେ ମର୍ମନ୍ତୁଦ ସଡକ ଦୁର୍ଘଟଣା । ଏକ ଯାତ୍ରୀବାହୀ ଭ୍ୟାନ ଭାରସାମ୍ୟ ହରାଇ ରାଜପଥରେ ଓଲଟିବା ଯୋଗୁଁ ଅତିକମରେ ୧୨ ଜଣଙ୍କ ମୃତ୍ୟୁ ଘଟିଛି । ସୂଚନା ଅନୁଯାୟୀ, ମେକ୍ସିକାନ ରାଜ୍ୟ ଜାଲିସ୍କୋ ଠାରେ ଶନିବାର ଏହି ଦୁର୍ଘଟଣା ଘଟିଛି । ଏଥିରେ ୧୧ ଜଣ ଗୁରୁତର ଆହତ ହୋଇଛନ୍ତି । ଜାଲିସ୍କୋ ନାଗରିକ ସୁରକ୍ଷା ଏବଂ ଅଗ୍ନିଶମ ବିଭାଗ ଟ୍ବିଟ୍ ଯୋଗେ ଏହି ସୂଚନା ଦେଇଛି ।
ଦୁର୍ଘଟଣାରେ ପ୍ରାଣ ହରାଇଥିବା ମୃତକଙ୍କ ମଧ୍ୟରେ ୮ ଜଣ ପୁରୁଷ ଏବଂ ୪ ମହିଳା ରହିଛନ୍ତି । ସେମାନଙ୍କ ମଧ୍ୟରେ ଦୁଇ ନାବାଳକ ଥିବା କୁହାଯାଇଛି । ଘଟଣାରେ ଛାନଭିନ୍ କରାଯାଉଛି । ଗତବର୍ଷ ଜାଲିସ୍କୋରେ ୧୦୧୫ଟି ଟ୍ରାଫିକ୍ ଦୁର୍ଘଟଣା ରେକର୍ଡ ହୋଇଥିଲା ।
@ANI
