ହାଇଦ୍ରାବାଦ: ଦୁଇ ଦିନିଆ ଭାରତ ଗସ୍ତ ସାରି ଆମେରିକାରେ ପହଞ୍ଚିସାରିଛନ୍ତି ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଆମେରିକାରେ ପହଞ୍ଚିବା ପରେ ଭାରତ ଗସ୍ତକୁ ନେଇ ଟ୍ରମ୍ପ ପ୍ରତିକ୍ରିୟା ଦେଇଛନ୍ତି । ଭାରତକୁ ମହାନ କହିବା ସହ ଏହି ଦେଶକୁ ଯାତ୍ରା ସଫଳ ରହିଥିବା ସେ ପ୍ରତିକ୍ରିୟା ଦେଇଛନ୍ତି ।
ଗତ 24ରୁ 25 ଫେବୃଆରୀ ପର୍ଯ୍ୟନ୍ତ ଆମେରିକା ରାଷ୍ଟ୍ରପତି ଟ୍ରମ୍ପ ଭାରତ ଗସ୍ତରେ ଥିଲେ । ତାଙ୍କ ସହ ପତ୍ନୀ ତଥା ଆମେରିକାର ପ୍ରଥମ ମହିଳା ମେଲାନିଆ ଟ୍ରମ୍ପ, ଝିଅ ଇଭାଙ୍କା ଓ ଜ୍ବାଇଁ ଜରେଦ ମଧ୍ୟ ଭାରତ ଆସିଥିଲେ । ଭାରତରେ ଦୁଇ ଦିନର ରହଣି ସମୟରେ ଟ୍ରମ୍ପ ପରିବାର ଅହମଦାବାଦ ଗସ୍ତ କରିବା ସହ ଆଗ୍ରାର ତାଜମହଲ ମଧ୍ୟ ପରିଭ୍ରମଣ କରିଥିଲେ ।
ବିଭିନ୍ନ କାର୍ଯ୍ୟକ୍ରମରେ ସାମିଲ ହେବା ସହ ସୋମବାର ରାତିରେ ରାଷ୍ଟ୍ରପତି ଭବନରେ ଆୟୋଜିତ ରାତ୍ରି ଭୋଜନରେ ଯୋଗଦେବା ପରେ ଟ୍ରମ୍ପ ଆମେରିକାକୁ ଏୟାରଫୋର୍ସ ଓ୍ବାନ ଯୋଗେଁ ଉଡାଣ ଭରିଥିଲେ । 36 ଘଣ୍ଟାର ଏହି ଲମ୍ବା ଯାତ୍ରା ସାରି ଆମେରିକାରେ ପହଞ୍ଚିବା ପରେ ଟ୍ରମ୍ପ ଟ୍ବିଟ କରି ଲେଖିଛନ୍ତି ଯେ ଭାରତ ମହାନ ଥିଲା । ଯାତ୍ରା ସଫଳ ରହିଲା ।
ସେହିପରି ଟ୍ରମ୍ପଙ୍କ ଝିଅ ଇଭାଙ୍କା ମଧ୍ୟ ଭାରତରେ ଆତିଥ୍ୟସତ୍କାର ପାଇଁ ଟ୍ବିଟ କରି ମୋଦିଙ୍କ ଧନ୍ୟବାଦ ଜଣାଇଛନ୍ତି । ସେ ଲେଖିଛନ୍ତି ଯେ ଏହି ଯାତ୍ରାରେ ଆମେ ମାନବୀୟ କଳାତ୍ମକ ଓ ମନୁଷ୍ୟ ହୃଦୟର ଅନନ୍ତ କ୍ଷମତାର ପ୍ରମାଣକୁ ଦେଖିଲୁ ।
@PTI_News
