ଲଞ୍ଜ ଆଞ୍ଜେଲସ: ଅଙ୍ଗ ବିତରଣ କରୁଥିବା ହେଲିକପ୍ଟର ଦୁର୍ଘଟଣାଗ୍ରସ୍ତ । ଶୁକ୍ରବାର ଆମେରିକାର ପୂର୍ବ ଲସ ଆଞ୍ଜେଲର ଏକ ଛାତ ଉପରେ ହଠାତ ଖସି ପଡିଲା ହେଲିକପ୍ଟର । ଦୁର୍ଘଟଣାରେ 3 ଜଣ ଆହତଙ୍କୁ ଉଦ୍ଧାର କରାଯାଇଛି ।
ଏକ ଘରୋଇ ଏୟାର ଆମ୍ବୁଲାନ୍ସ ଅପରାହ୍ନ 3ଟା ସମୟରେ ଦୁର୍ଘଟଣା ଘଟିଥିଲା । ବୋଇଲେ ହାଇଟ୍ସ ସାଉଥ୍ କାଲିଫର୍ନିଆ ବିଶ୍ବବିଦ୍ୟାଳୟର କେକ ହସ୍ପିଟାଲରେ ହେଲିପ୍ୟାଡରେ ଖସିପଡିଥିଲା । ତେବେ ଭାଗ୍ୟବଶତଃ କୌଣସି ନିଆଁ ଲାଗିନଥିବାବେଳେ, ଗୁରୁତ୍ବପୂର୍ଣ୍ଣ ଇନ୍ଧନ ଲିକ୍ ହୋଇନାହିଁ ବୋଲି ଲସ ଆଞ୍ଜେଲସର ଅଗ୍ନିଶମ ବିଭାଗ ପକ୍ଷରୁ ଟ୍ବିଟ ଯୋଗେ ସୂଚନା ଦିଆଯାଇଛି ।
ଏହି ଦୁର୍ଘଟଣାରେ ହେଲିକାପ୍ଟରର ପାଇଲଟ ସାମାନ୍ୟ ଆହତ ହୋଇଛନ୍ତି । ଅନ୍ୟ ଦୁଇ ଜଣ ମଧ୍ୟ ଅତ୍ୟଧିକ ଗୁରୁତର ହୋଇନାହାଁନ୍ତି ।
ଅଗ୍ନିଶମ ବିଭାଗ ଟ୍ବିଟ କରି କହିଛନ୍ତି ଯେ, ଉକ୍ତ ଅଙ୍ଗକୁ LAFD ଅଗ୍ନିଶମ କର୍ମଚାରୀ ସୁରକ୍ଷିତ ଭାବରେ ଉଦ୍ଧାର କରି USC- କାଉଣ୍ଟି ହସ୍ପିଟାଲ୍ କର୍ମଚାରୀଙ୍କୁ ହସ୍ତାନ୍ତର କରିଛନ୍ତି ।
ବ୍ୟୁରୋ ରିପୋର୍ଟ, ଇଟିଭି ଭାରତ
