ସାନ ଫ୍ରାନ୍ସିସ୍କୋ: ଲକଡାଉନ ସମୟରେ ଘରେ ବସି ବସି ଅନେକ ଲୋକେ ନାନାଦି କାରଣରୁ ଚିନ୍ତାଗ୍ରସ୍ତ ହେଉଥିବା ଦେଖିବାକୁ ମିଳୁଛି । ଏନେଇ ସର୍ଚ୍ଚ ଇଞ୍ଜିନରେ ଏହାର ସମାଧାନ ଖୋଜୁଥିବା ମଧ୍ୟ ଦେଖାଯାଉଛି । ହେଲେ ଏହି ସାଧାରଣ ସମସ୍ୟାର ସମାଧାନ ପାଇଁ ଲୋକଙ୍କୁ ହଇରାଣ ନକରି ଗୁଗୁଲ କାଢିଛି ସହଜ ସମାଧାନ । ଏବେ ଲୋକଙ୍କ ଚିନ୍ତାର ସମସ୍ୟା ଦୂର କରିବା ପାଇଁ ଗୁଗୁଲ ଆଣିଛି GAD-7(ଜେନେରାଲାଇଜଡ ଆନକ୍ସାଇଟି ଡିସଅର୍ଡର) ।
ନ୍ୟାସନାଲ ଆଲାଏନ୍ସ ଅନ ମେଣ୍ଟାଲ ଇଲନେସ (ନାମି) ସହ ଏକାଠି ହୋଇ ଗୁଗୁଲ ଏହି ସୁଯୋଗ ସୃଷ୍ଟି କରିଛି । ତେବେ GAD-7 ଏକ ତଥ୍ୟର ପ୍ୟାନେଲ ଦର୍ଶାଇବ । ଏଥିରେ ଏକ ବକ୍ସରେ ଆପଣ ସର୍ଚ୍ଚ କରୁଥିବା ଅପ୍ସନ ରହିବ । ଏହା ଉପରେ କ୍ଲିକ କରିବା ଦ୍ବାରା ଏକ ଟେଷ୍ଟ ପ୍ରକ୍ରିୟା ଆସିବ । ଯାହାକୁ କ୍ଲିଅର କରିବା ଦ୍ବାରା ଆପଣ କେଉଁ ସବୁ ସମସ୍ୟା ଦେଇ ଗତି କରୁଛନ୍ତି ତାହା ସ୍ପଷ୍ଟ ହେବ । ଏହି ତଥ୍ୟ ମୁତାବକ ପ୍ରଫେସନାଲ ଡାକ୍ତରମାନେ ଆପଣଙ୍କୁ ଆବଶ୍ୟକୀୟ ପରାମର୍ଶ ଦେଇପାରିବେ ।
ତେବେ ଅନଲାଇନ ସର୍ଭେ ଦ୍ବାରା ଆପଣ ଦେଇଥିବା ଉତ୍ତର ଓ ନିଜ ତଥ୍ୟ ସମ୍ପୂର୍ଣ୍ଣ ସୁରକ୍ଷିତ ରହିବା ନେଇ ଗୁଗୁଲ ସ୍ପଷ୍ଟ କରିଛି ।
@IANS
