ସାନ ଫ୍ରାନ୍ସିସ୍କୋ: ଯୁକ୍ତରାଷ୍ଟ୍ର ଆମେରିକା ଓ କାନାଡାବାସୀଙ୍କ ପାଇଁ ଗୁଗୁଲ ଆଣିଛି ନୂଆ ଅବସର । ବର୍ତ୍ତମାନ କୋରୋନା ପ୍ରକୋପରେ ଅଧିକାଂଶ ଲୋକେ ବର୍ତ୍ତମାନ ଘରେ ବସି ରହିଥିବା ବେଳେ ଅନେକ ଲୋକେ ଯେଉଁମାନେ ଚାକିରୀ ସନ୍ଧାନରେ ରହିଥିଲେ ସେମାନେ ହୋଇପଡିଛନ୍ତି ହତାଶ । ପ୍ରଥମେ ଚାକିରୀକୁ ନେଇ ଏତେ ପ୍ରତିଯୋଗିତ ରହିଥିବା ବେଳେ ଏବେ ପୁଣି କୋରୋନା ପାଇଁ ବଢିଛି ମାର୍କେଟରେ ପ୍ରତିଯୋଗିତା । ଅଳ୍ପ ସ୍ଥାନ ପାଇଁ ବଢିଚାଲିଛି ଆଗ୍ରହୀଙ୍କ ସଂଖ୍ୟା । ଏମିତିରେ ଘରେ ବସି ସମୟ ବରବାଦ ନକରି ଏହାକୁ କିଛି ଶିକ୍ଷଣୀୟ କାର୍ଯ୍ୟରେ ଲଗାନ୍ତୁ ।
ଏଥିପାଇଁ ଗୁଗୁଲ ଲଞ୍ଚ କରିଛି ‘ଗ୍ରୋ ୱିଥ ଗୁଗୁଲ ଅନଏୟାର’ । ଏହି ଅନଲାଇନ ଲର୍ଣ୍ଣିଂ ଆପ୍ ଜରିଆରେ ଆମେରିକା ଓ କାନାଡାବାସୀ ଘରେ ବସି ବିଭିନ୍ନ ଡିଜିଟାଲ ସ୍କିଲ ଶିଖିପାରିବେ । ସୋମବାର ଏହାର ଲଞ୍ଚିଂ ନେଇ ଘୋଷଣା କରିଛନ୍ତି ଗ୍ରୋ ୱିଥ ଗୁଗୁଲ ନିର୍ଦ୍ଦେଶକ ଜେସେ ହୈନ୍ସ । ପୂର୍ବରୁ 2017ରେ ଏହାର ଅଫଲାଇନ ଭର୍ସିନ ଲଞ୍ଚ ହୋଇଥିବା ବେଳେ ଏହି ସର୍ଭିସର ଏଯାବତ୍ 4 ମିଲିୟନ ଲୋକେ ଲାଭ ଉଠାଇଛନ୍ତି । ତେବେ ଏହାର ମୂଳ ଉଦ୍ଦେଶ୍ୟ ହେଉଛି ଲୋକଙ୍କୁ ସଶକ୍ତ କରିବା ।
ସେ ଛୋଟ ବ୍ୟବସାୟ ଆରମ୍ଭ କରୁଥିବା ବ୍ୟକ୍ତି ହୁଅନ୍ତୁ ଅବା ଚାକିରୀ ସନ୍ଧାନରେ ଥିବା ଲୋକେ, ଏହି ଆପ୍ ଜରିଆରେ ଲୋକେ ବିଭିନ୍ନ ଡିଜିଟାଲ ସ୍କିଲ ଶିଖିବା ସହ ନିଜ ଆୟ ମଧ୍ୟ ବଢାଇପାରିବେ । ଏଥିରେ ଡିଜିଟାଲ ସ୍କିଲ ଟ୍ରେନିଂ ଓ କ୍ୟାରିଅର ଏକ୍ସପର୍ଟଙ୍କ ସହ ଇଣ୍ଟରଭ୍ୟୁ ପରି ସୁବିଧା ଲୋକେ ସହଜରେ ପାଇପାରିବେ । ତେବେ ଏହି ସର୍ଭିସ ଦ୍ବାରା ଆୟୋଜନ ହେଉଥିବା ଅନଲାଇନ ୱାର୍କସପ ପରେ ଲୋକେ ନିଜ ନାମକୁ ରେଜିଷ୍ଟର କରିପାରିବେ । ପରବର୍ତ୍ତୀ ସମୟରେ ସେମାନେ ବିଭିନ୍ନ ଅସୁବିଧା ନେଇ ଗୁଗୁଲ କର୍ମଚାରୀଙ୍କ ସହ ଆଲୋଚନା କରିପାରିବେ ।
@IANS
