ସାନ ଫ୍ରାନ୍ସିସ୍କୋ: ହାଉସିଂ, ଏମ୍ପ୍ଲୋଏମେଣ୍ଟ ଓ କ୍ରେଡିଟ ସୁଯୋଗକୁ ନେଇ ଗୁଗୁଲରେ ରହିଥିବା ଆଡ ପଲିସିରେ ହେବାକୁ ଯାଉଛି ପରିବର୍ତ୍ତନ । ୟୁଜର୍ସଙ୍କୁ ସୁଯୋଗ ଦେବାରେ କୌଣସି ଭେଦଭାବ ପରିସ୍ଥିତି ଯେପରି ସୃଷ୍ଟି ନହୁଏ ସେଥିପାଇଁ ନିଜ ଆଡ ପଲିସିକୁ ଅଧିକ କଡାକଡି ଓ ସୁରକ୍ଷିତ କରିବା ପାଇଁ ଉଦ୍ୟମ ଆରମ୍ଭ କରିଛି ଗୁଗୁଲ । ଏନେଇ କମ୍ପାନୀ ଏକ ନିର୍ଦ୍ଧିଷ୍ଟ ପ୍ରକାରର ନୂଆ ପର୍ସନାଲାଇଜ୍ଡ ଆଡ ପଲିସି ଲଞ୍ଚ କରିଛି ।
ଏହି ନୂଆ ପଲିସିରେ ରୋଜଗାର ଉପରେ ପ୍ରଭାବ ପକାଉଥିବା ଭଳି ତଥ୍ୟ, ହାଉସିଂ ଓ କ୍ରେଡିଟ ଆଡଭର୍ଟାଇଜରମାନଙ୍କୁ ବାଦ ଦିଆଯିବ । ସେହିପରି ଜାତିଗତ, ଲିଙ୍ଗଗତ, ପାରିବାରିକ ସ୍ଥିତି, ବୈବାହିକ ସମ୍ପର୍କ କିମ୍ବା ଜିପ୍ କୋଡ ଆଧାରରେ ଲୋକଙ୍କୁ ଟାର୍ଗେଟ ନକରିବା ପାଇଁ ମଧ୍ୟ ବ୍ୟବସ୍ଥା କରାଯାଇଛି । ଏନେଇ ସୂଚନା ଦେଇଛନ୍ତି ଆଡ୍ସ ପ୍ରାଇଭେସି ଓ ସେଫଟିର ପ୍ରଡକ୍ଟ ମ୍ୟାନେଜମେଣ୍ଟ ଉପଅଧ୍ୟକ୍ଷ ସ୍କଟ ସ୍ପେନ୍ସର ।
ଅନେକ ସମୟରେ ଦେଖିବାକୁ ମିଳିଛି ଲୋକଙ୍କ ବ୍ୟକ୍ତିଗତ ତଥ୍ୟ ଯଥା ଜାତୀୟତା, ରଙ୍ଗ, ଆର୍ଥିକ ସ୍ଥିତି ଓ ବୈବାହିକ ସମ୍ପର୍କ ଆଧାରରେ ଟାର୍ଗେଟ କରିବା ଭଳି ଅନେକ ଆଡ ଏଜେନ୍ସି ସେମାନଙ୍କୁ ସୁଯୋଗ ପରଷିଥାଆନ୍ତି । ଆଗକୁ ଏପରି ଯେମିତି ନହୁଏ ସେନେଇ ଗୁଗୁଲ ବିଶେଷ ଧ୍ୟାନ ଦେଇଛି । ତେବେ କୋରୋନା ମହାମାରୀ ପାଇଁ ବର୍ତ୍ତମାନ ବେରୋଜଗାର ସଂଖ୍ୟା ବଢିଚାଲିଥିବା ବେଳେ ଲୋକେ କିପରି ସମାନ ମାତ୍ରାର ସୁଯୋଗ ବିନା କୌଣସି ଭେଦଭାବରେ ପାଇପାରିବେ ତାହାର ବ୍ୟବସ୍ଥା କରାଯାଇଛି । ଏହା ଖୁବଶୀଘ୍ର କାନାଡା ଓ ଆମେରିକାରେ ଲଞ୍ଚ ହେବା ନେଇ ସ୍ପଷ୍ଟ କରିଛନ୍ତି ସ୍ପେନ୍ସର ।
@IANS
