ଟେକ୍ସାସ: ଆମେରିକାର ଟେକ୍ସାସରେ ଗୁଳିକାଣ୍ଡ । ଆଖିବୁଜା ଗୁଳି ଚାଳନାରେ 5 ମୃତ୍ୟୁ ଓ 21 ଜଣ ଆହତ ହୋଇଛନ୍ତି । ସ୍ଥାନୀୟ ପୋଲିସଙ୍କ କହିବାନୁଯାୟୀ, ଗତ ଶନିବାର ଜଣ ବନ୍ଧୁକଧାରୀ ପ୍ରଥମେ ଟ୍ରକକୁ ହାଇଜାକ କରିବା ପରେ ଅତର୍କିତ ଗୁଳି ବର୍ଷଣ କରିଥିଲା ।
ମିଡଲ୍ୟାଣ୍ଡ ଓଡେଶା ଇଲାକାରେ ଦୁର୍ବୃତ୍ତ ଗାଡ଼ି ଭିତରେ ଥାଇ ଗୁଳିମାଡ଼ କରିଥିଲା । ସିନଜେରୀ ମୁଭି ଥିଏଟର ନିକଟରେ ଏହି ଅଭାବନୀୟ ଘଟଣା ଘଟିଥିବାବେଳେ ପୋଲିସ ମଧ୍ୟ ପାଲଟା ଜବାବ ଦେଇଥିଲେ । ଯେଉଁଥିରେ ବନ୍ଧୁକଧାରୀର ମୃତ୍ୟୁ ହୋଇଥିବା ନେଇ ସୂଚନା ରହିଛି । ତେବେ ଏହି ଗୁଳିମାଡରେ 3 ଜଣ ସେନା ଅଧିକାରୀ ମଧ୍ୟ ଆହତ ହୋଇଛନ୍ତି । ସେପଟେ ସମସ୍ତ ଗୁରୁତରଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି ।
ସୂଚନାଯୋଗ୍ୟ, ଗତ ଅଗଷ୍ଟରେ ଆମେରିକାର ଟେକସାସ ଓ ଓହିୟୋର ଭିନ୍ନ ଭିନ୍ନ ସ୍ଥାନରେ ଗୁଳିକାଣ୍ଡ ଘଟି 29 ଜଣଙ୍କର ମୃତ୍ୟୁ ହୋଇଥିବାବେଳେ 40ରୁ ଅଧିକ ଆହତ ହୋଇଛନ୍ତି । 24 ଘଣ୍ଟା ସମୟ ଧରି ଗୁଳି ଚାଳନା କରାଯାଇଥିବାବେଳେ ଘଟଣାର ତଦନ୍ତ ଲାଗି ଆମେରିକା ରାଷ୍ଟ୍ରପତି ନିର୍ଦ୍ଦେଶ ଦେଇଛନ୍ତି ।
