ସାନଫ୍ରାନ୍ସିସ୍କୋ: ନିଜ ୟୁଜର୍ସଙ୍କୁ ଦୈନିକ ଅପଡେଟ ରଖିବା ପାଇଁ ଫେସବୁକ ନେଇଛି ଏକ ଗୁରୁତ୍ବପୂର୍ଣ୍ଣ ପଦକ୍ଷେପ । ଏନେଇ ଗୁରୁବାର ଘୋଷଣା କରି କମ୍ପାନୀ କହିଛି କି ଏହା କମ୍ପାନୀର ସିକ୍ୟୁରିଟି ପଲିସି ୟୁଜର୍ସଙ୍କୁ ବିସ୍ତୃତ ଭାବେ ବୁଝାଇବା ପାଇଁ ଏକ ସ୍ବତନ୍ତ୍ର ପେଜ ଡିଜାଇନ କରିଛି । ଏହି ପେଜରେ ସିକ୍ୟୁରିଟିକୁ ନେଇ ଏନେକ ଜଟିଳ ଓ ସାଧାରଣ ପ୍ରଶ୍ନର ସମାଧାନ ରହିଛି । ଯାହା ୟୁଜର୍ସଙ୍କୁ ସାହାଯ୍ୟ କରିବ ବୋଲି କମ୍ପାନୀ ଆଶା ରଖିଛି ।
ପୂର୍ବରୁ କମ୍ପାନୀ ସିକ୍ୟୁରିଟି ସମ୍ବନ୍ଧୀୟ ଅନେକ ଅସୁବିଧାର ସମ୍ମୁଖୀନ ହୋଇସାରିଛି । ଯେଉଁଥିପାଇଁ କମ୍ପାନୀକୁ ଅନେକ କ୍ଷତି ମଧ୍ୟ ସହିବାକୁ ପଡିଛି । ଗତ ବର୍ଷ ଜୁଲାଇରେ କମ୍ପାନୀ ଉପରେ ଆମେରିକୀୟ ଫେଡେରାଲ ଟ୍ରେଡ କମିଶନ(ଏଫଟିସି) 5 ବିଲିୟନ ଡଲାରର ଏକ ଫାଇନ ଚାର୍ଜ କରିଥିଲେ । କେମ୍ବ୍ରିଜ ଆନାଲିଟିକାଲ ସ୍କାଣ୍ଡାଲ ପାଇଁ କମ୍ପାନୀକୁ ପେନାଲଟି ଭୋଗିବାକୁ ପଡିଥିବା ବେଳେ ଏବେ ସତର୍କ ହୋଇଛି କମ୍ପାନୀ । ତେବେ ପଦକ୍ଷେପ ସ୍ବରୂପ ଆଡ ହୋଇଥିବ ଏହି ସ୍ବତନ୍ତ୍ର ପେଜରେ ସମସ୍ତ ସିକ୍ୟୁରିଟି ଡେଭେଲପମେଣ୍ଟକୁ ଅପଡେଟ କରାଯିବ । ଏଥିସହ ଏହାର ବିସ୍ତୃତ ବ୍ୟବହାର ମଧ୍ୟ କୁହାଯିବ । ଯାହା ୟୁଜର୍ସଙ୍କୁ କମ୍ପାନୀର ଅପଡେଟ ବୁଝିବାରେ ସାହାଯ୍ୟ କରିବ ।
ଏନେଇ ଫେସବୁକ କହିଛି କି କମ୍ପାନୀର ସମସ୍ତ ସିକ୍ୟୁରିଟି ଅପଡେଟ ଏବେ ନୂଆ ଭାବେ ପ୍ରସ୍ତୁତ ହୋଇଥିବା ପ୍ରାଇଭେସି କମିଟିକୁ ଅବଗତ କରାଯିବ । ଏହାପରେ ୟୁଜର୍ସ କୌଣସି ଅସୁବିଧାର ସମ୍ମୁଖୀନ ହେଲେ ଏହି ସ୍ବାଧୀନ ତୃତୀୟ ପାର୍ଟିକୁ ଯୋଗାଯୋଗ କରି ନିଜ ଅସୁବିଧାର ସମାଧାନ ପାଇପାରିବେ ।
@IANS
