ଫ୍ଲୋରିଡା: ସଫଳତାର ସହ ଲଞ୍ଚ ହୋଇଛି ସ୍ପସ ଏକ୍ସ ସହ ଫାଲକନ 9 ରକେଟ । ଶନିବାର ସକାଳେ ନାସାର କେନେଡି ସ୍ପେସ ସେଣ୍ଟରରୁ ଏହା ଉତ୍କ୍ଷେପଣ ହୋଇଥିବା ବେଳେ ଏହି ଦୃଶ୍ୟକୁ ଦେଖି ଭାବବିହ୍ବଳ ହୋଇପଡିଥିଲେ ସ୍ପେସ ଏକ୍ସ ଫାଉଣ୍ଡର ଏଲନ ମସ୍କ । ତେବେ ଏହି ରକେଟ ଏକ କ୍ରିୟୁ ଡ୍ରାଗନ ସ୍ପେସକ୍ରାଫ୍ଟକୁ ନେଇ ମହାକାଶ ଅଭିମୁଖେ ଯାତ୍ରା କରୁଛି । ଯେଉଁଥିରେ ରହିଛନ୍ତି ନାସାର ମହାକାଶଚାରୀ ବବ ବେନକେନ ଓ ଡୌଗ ହର୍ଲେ । ସେମାନେ ଇଣ୍ଟରନ୍ୟାସନାସ ସ୍ପେସ ଷ୍ଟେସନକୁ ପ୍ରତିନିଧିତ୍ବ କରିଥିବା ଜଣାପଡିଛି ।
ତେବେ ଏହି ଖୁସିର ମୁହୂର୍ତ୍ତରେ ଏଲନ କହିଛନ୍ତି କି ସ୍ପେସ ଏକ୍ସର ଲଞ୍ଚିଂ ଏକ ଅବିସ୍ମରଣୀୟ ମୁହୂର୍ତ୍ତ । ଏହାର ଅନୁଭବ ଶବ୍ଦରେ ପ୍ରକାଶ କରିବା ଅସମ୍ଭବ । ଏହି ଲକ୍ଷ୍ୟ ପାଇଁ 18 ବର୍ଷ ହେବ ଅକ୍ଲାନ୍ତ ପରିଶ୍ରମ କରାଯାଇଛି । ଶେଷରେ ଏହା ସଫଳତାର ରୂପ ନେବା ନିଜ ଆଖିରେ ଦେଖିବା ଅବିଶ୍ବସନୀୟ ଅନୁଭବ । ଏହାକୁ ନେଇ ମାନବ ଜାତି ଗର୍ବ ଅନୁଭବ କରିବା ଦରକାର ।
ସୂଚନା ମୁତାବକ ସ୍ପେସ ଏକ୍ସ ପ୍ରଥମ ଆମେରିକୀୟ ଘରୋଇ କମ୍ପାନୀ ଯିଏ ନାସାର ମହାକାଶଚାରୀଙ୍କୁ ମହାକାଶକୁ ନେବାର ଇତିହାସ ସୃଷ୍ଟି କରିଛି । ଏନେଇ ଖୁସିରେ ଏଲନ କହିଛନ୍ତି କି ଏହା ତାଙ୍କ ପାଇଁ ସ୍ବପ୍ନର ଏକ ବାସ୍ତବ ରୂପ ।
@IANS
