ୱାସିଂଟନ: ଆମେରିକାରେ ଶକ୍ତିଶାଳୀ ଭୂକମ୍ପ ଅନୁଭୂତ । ପ୍ରଥମେ କ୍ୟୁବାରେ 7.7 ତୀବ୍ରତାରେ ଭୂକମ୍ପ ହୋଇଥିବାବେଳେ କିଛି ସମୟର ବ୍ୟବଧାନ ପରେ କେମ୍ୟାନ ଦ୍ବୀପରେ 6.1 ତୀବ୍ରତାରେ ଭୂକମ୍ପ ଅନୁଭୂତ ହୋଇଛି ।
ଆମେରିକା ଭୂବୈଜ୍ଞାନିକ ସର୍ବେକ୍ଷଣ ମୁତାବକ ମଙ୍ଗଳବାର ବିଳମ୍ବିତ ରାତିରେ ଜାମାଇକା, କେମ୍ୟାନ ଦ୍ବୀପ ଓ କ୍ୟୁବା ମଧ୍ୟରେ 10 କିମି ଗଭୀରତା(6.2 ମାଇଲ)ରେ ଭୂକମ୍ପ ହୋଇଛି । କିଛି କ୍ଷଣ ପାଇଁ ବିଲ୍ଡିଂ ଗୁଡିକ ଥରିବା ଆରମ୍ଭ କରିଥିଲା । ଫଳରେ ମିଆମି ଓ ଜାମାଇକାରେ ଥିବା କାର୍ଯ୍ୟାଳୟ ଗୁଡିକରୁ ଅସ୍ଥାୟୀ ଭାବରେ ଲୋକମାନଙ୍କୁ ତୁରନ୍ତ ସ୍ଥାନନ୍ତର କରାଯାଇଥିଲା । ତେବେ ବର୍ତ୍ତମାନ ସୁଦ୍ଧା କୌଣସି କ୍ଷୟକ୍ଷତି ଆକଳନର ସୂଚନା ନାହିଁ ।
