ୱାଶିଂଟନ: ହ୍ବାଇଟ ହାଉସରରେ କାର୍ଯ୍ୟ କରୁଥିବା ଜଣେ ସହାୟକ କୋରୋନାରେ ଆକ୍ରାନ୍ତ ହେବା ପରେ ଡୋନାଲ୍ଡ ଟ୍ରମ୍ପ ଏବଂ ଉପରାଷ୍ଟ୍ରପତି ମାଇକ ପେନ୍ସ କୋଭିଡ-19 ପରୀକ୍ଷା କରିଥିଲେ । ପରୀକ୍ଷାରେ ଦୁହିଁଙ୍କ ରିପୋର୍ଟ ନେଗେଟିଭ ଆସିଛି ।
ଟ୍ରମ୍ପଙ୍କ ଡେପୁଟି ପ୍ରେସ ସେକ୍ରେଟାରୀ ହୋଗାନ ଗିଡଲେ କହିଛନ୍ତି ଯେ, ହ୍ବାଇଟ ହାଉସ ମେଡିକାଲ ୟୁନିଟ ଦ୍ୱାରା ହ୍ୱାଇଟ ହାଉସରେ କାର୍ଯ୍ୟ କରୁଥିବା ସହାୟକଙ୍କର ପରୀକ୍ଷା କରାଯାଇଥିଲା । ଏହାପରେ ରାଷ୍ଟ୍ରପତି ଏବଂ ଉପରାଷ୍ଟ୍ରପତିଙ୍କର ପରୀକ୍ଷା କରାଯାଇଥିଲା ।
ହ୍ୱାଇଟ ହାଉସରେ ଟ୍ରମ୍ପଙ୍କର ଅତିଥିମାନଙ୍କୁ ନିୟମିତ ପରୀକ୍ଷା କରାଯାଉଛି । ପ୍ରାୟ 15 ମିନିଟ୍ ମଧ୍ୟରେ କୋରୋନା ପରୀକ୍ଷାର ଫଳାଫଳ ବାହାରିଥାଏ । ଯଦିଓ ଏହି ନିୟମ ତାଙ୍କ ସରକାରୀ ନିର୍ଦ୍ଦେଶାବଳୀର ଅନ୍ତର୍ଗତ । ଟ୍ରମ୍ପ ତାଙ୍କ ଉଚ୍ଚ ପଦାଧିକାରୀଙ୍କ ପରି ସର୍ବସାଧାରଣ ସ୍ଥାନରେ ମାସ୍କ ପିନ୍ଧିବାକୁ ମନା କରି ଦେଇଛନ୍ତି ।
