ୱାଶିଂଟନ: 1,800 ଡଲାର ମୂଲ୍ୟର ଖାଦ୍ୟ ସାମଗ୍ରୀ ଚାଟିବା ଘଟଣାରେ ଜଣେ ମହିଳାଙ୍କୁ ଗିରଫ କରିଛି ପୋଲିସ । ଏହିଭଳି ଅଦ୍ଭୁତ ଘଟଣା ଘଟିଛି କାର୍ଲିଫର୍ଣ୍ଣିଆର ଲସଏଞ୍ଜେଲସ ସହରରେ ।
ସୂଚନାନୁଯାୟୀ, ବୁଧବାର ଦିନ ଲସଆଞ୍ଜେଲସ୍ର ଏକ ସୁପର ମାର୍କେଟରେ ଜଣେ ମହିଳା କିଛି ସାମାନକୁ ଚାଟିବା ପରେ କାର୍ଟରେ ଭର୍ତ୍ତି କରୁଥିବା ଦେଖିବାକୁ ମିଳିଥିଲା । ଏହା ଜାଣିବାମାତ୍ରେ ପୋଲିସକୁ ଖବର ଦେଇଥିଲେ ସୁପରମାର୍କେଟ କର୍ମଚାରୀ । ଏହାପରେ ପୋଲିସ ମହିଳାଙ୍କୁ ଧରିବା ପାଇଁ ସୁପରମାର୍କେଟ ପହଞ୍ଚିଥିଲା ।
ମହିଳା ଜଣଙ୍କ ଖାଦ୍ୟ ସାମଗ୍ରୀ ସମେତ ଅଳଙ୍କାରମାନ ବି ଝିଭରେ ଚାଟୁଥିବା କହିଥିଲେ ମଲ କର୍ମଚାରୀ । ଏବେ ଚାରିଆଡେ କୋରୋନା ଭାଇରସକୁ ନେଇ ସମସ୍ତେ ଭହବୀତ ଥିବାବେଳେ ମହିଳାଙ୍କର ଏହି କାରନାମା ମଲ କର୍ମଚାରୀଙ୍କୁ ଚିନ୍ତାରେ ପକାଇଥିଲା । ଫଳରେ ସେମାନେ ପୋଲିସକୁ ଏବିଷୟରେ ଖବର ଦେଇଥିଲେ ।
ପାଖାପାଖି 1800 ଡଲାର ମୂଲ୍ୟର ସାମଗ୍ରୀକୁ ଚାଟିବା ଅଭିଯୋଗରେ ପୋଲିସ ଉକ୍ତ ମହିଳାଙ୍କୁ ଗିରଫ କରିଥିବା ଜଣାପଡିଛି ।
