ବ୍ରାସିଲିଆ: ଅନେକ ଦେଶରେ କୋରୋନା କାୟା ବଢିବାରେ ଲାଗିଛି । ବ୍ରାଜିଲରେ କୋରୋନା ମୃତ୍ୟୁ ସଂଖ୍ୟା 3 ଲକ୍ଷରେ ପହଞ୍ଚିଛି । କୋରୋନା ମୃତ୍ୟୁ ସଂଖ୍ୟାରେ ଦେଶ ମଧ୍ୟରେ ଦ୍ବିତୀୟ ସ୍ଥାନରେ ରହିଛି ବ୍ରାଜିଲ ।
ବୁଧବାର ଗୋଟିଏ ଦିନରେ ବ୍ରାଜିଲରେ 2,009ଜଣଙ୍କର କୋରୋନାରେ ମୃତ୍ୟୁ ହୋଇଥିବା ବ୍ରାଜିଲ ସ୍ବାସ୍ଥ୍ୟ ମନ୍ତ୍ରଣାଳୟ ପକ୍ଷରୁ ସୂଚନା ମିଲିଛି । ମଙ୍ଗଳବାର ଗୋଟିଏ ଦିନରେ 3,251ଜଣଙ୍କର କୋରୋନାରେ ମୃତ୍ୟୁ ହୋଇଥିବା ଏକ ରେର୍କଡ ସୃଷ୍ଟି କରିଛି । ଏନେଇ ବ୍ରାଜିଲ ପ୍ରଶାସନଙ୍କ ମଧ୍ୟରେ ଭୟ ସୃଷ୍ଟି ହୋଇଛି । ଏପ୍ରିଲରେ ସ୍ଥିତି ଭୟଙ୍କର ହେବ ବୋଲି ଅନୁମାନ ହୋଇଛି ।
କୋରୋନାର ନୂଆ ମ୍ୟୁଟାଣ୍ଟ ଦ୍ରୁତ ଗତିରେ ମାଡି ଚାଲିଛି । ବ୍ରାଜିଲରେ 75ଦିନରେ ସମୁଦାୟ ମୃତ୍ୟୁ ସଂଖ୍ୟା 1,00,00ରେ ପହଞ୍ଚିଥିଲା । କୋରୋନା ପାଇଁ ଜାରି ହୋଇଥିବା ଗାଇଡଲାଇନ ଅଭାବରୁ ସ୍ଥିତି ଦିନକୁ ଦିନ ବିଗିଡିବାରେ ଲାଗିଛି । ଅନେକ ସ୍ଥାନରେ କୋରୋନା ପ୍ରୋଟୋକଲକୁ ଅବମାନନା ପାଇଁ ଏହି ଅଦୃଶ୍ୟ ଭୂତାଣୁ ଭୟଙ୍କର ହେବାରେ ଲାଗିଛି ।
ବ୍ୟୁରୋ ରିପୋର୍ଟ, ଇଟିଭି ଭାରତ
