ସାନ ଫ୍ରାନ୍ସିସ୍କୋ: ଆଗକୁ ଆଇମ୍ୟାକ, ଆଇପ୍ୟାଡ ଏୟାର ଓ ଆଇପ୍ୟାଡ ମିନି ଲଞ୍ଚ କରିବା ନେଇ ଯୋଜନା କରୁଥିବା ପ୍ରକାଶ କରିଛି ଆପଲ । ଚଳିତବର୍ଷ ଦ୍ବିତୀୟାର୍ଦ୍ଧରେ ଏହି ସବୁ ପ୍ରଡକ୍ଟ ଲଞ୍ଚ କରିବା ନେଇ କମ୍ପାନୀ ଯୋଜନା ରଖିଛି । ଏଥିରେ 10.8 ଇଞ୍ଚର ଆଇପ୍ୟାଡ ଏୟାର ଓ 23 ଇଞ୍ଚର ଆଇମ୍ୟାକ ଡିଭାଇସ ଲଞ୍ଚ ହେବା ନେଇ କମ୍ପାନୀ ଇଙ୍ଗିତ କରିଛି ।
କେବଳ ସେତିକି ନୁହେଁ ବରଂ ମିନି ଏଲଇଡି ଡିସପ୍ଲେଯୁକ୍ତ 12.9 ଇଞ୍ଚର ଆଇପ୍ୟାଡକୁ 2021 ମସିହା ପ୍ରଥମାର୍ଦ୍ଧରେ ଲଞ୍ଚ କରିବା ନେଇ କମ୍ପାନୀ ଯୋଜନା ଆରମ୍ଭ କରିଥିବା ଜଣା ପଡିଛି । ଏନେଇ ଡିଜିଟାଇମ୍ସ ପ୍ରକାଶିତ ଏକ ରିପୋର୍ଟ ମୁତାବକ ଆପଲ 2020 ଆଇପ୍ୟାଡ ଏୟାରର ସାଇଜକୁ 10.2 ଇଞ୍ଚରୁ 10.8 ଇଞ୍ଚକୁ ବଢାଇଥିବା ଜଣା ପଡିଛି । ପୂର୍ବରୁ 2019ରେ 10.2 ଇଞ୍ଚର ଆଇପ୍ୟାଡ ଲଞ୍ଚ ହୋଇଥିବାରୁ ଚଳିତବର୍ଷ ନୂଆ ଫିଚର ସହ 10.8 ଇଞ୍ଚର ଡିସପ୍ଲେ ସହ ଆଇପ୍ୟାଡ ଲଞ୍ଚ କରିବା ପାଇଁ କମ୍ପାନୀ ମନସ୍ଥ କରିଛି ।
ତେବେ ଚଳିତବର୍ଷ ଲଞ୍ଚ ହେବାକୁ ଥିବା ଆଇପ୍ୟାଡ ଏୟାରରେ ଏଲଜି ଡିସପ୍ଲେ, ବିଓଇ ଟେକ୍ନୋଲୋଜି ଓ ବିଏଲୟୁ ଆଦି ସୁବିଧା ରହିଥିବା କମ୍ପାନୀ ସ୍ପଷ୍ଟ କରିଛି ।
@IANS
