ଚିକାଗୋ: କ୍ରମାଗତ ପଞ୍ଚମ ଦିନ ପାଇଁ ଆମେରିକାରେ ଜଳୁଛି କ୍ରୋଧର ବହ୍ନି । ପୋଲିସ ହେପାଜତରେ କୃଷ୍ଣକାୟ ବ୍ୟକ୍ତି ଜର୍ଜ ଫ୍ଲୋଏଡଙ୍କ ମୃତ୍ୟୁ ପରେ ଜାରି ରହିଛି ବିକ୍ଷୋଭ । ଏମିତିରେ ଚିକାଗୋ ସହରର ସିସେରୋ ମଧ୍ୟ ଅଶାନ୍ତ ହୋଇପଡିଛି । ଏଠାରେ ଜାରି ରହିଥିବା ବିକ୍ଷାଭରେ ମଙ୍ଗଳବାର ଦୁଇ ଜଣଙ୍କ ମୃତ୍ୟୁ ହୋଇଥିବା ଜଣାପଡିଛି ।
ସୂଚନା ମୁତାବକ ସହରରେ ସୋମବାର ହୋଇଥିବା ବିକ୍ଷୋଭ ଯୋଗୁଁ 60 ଜଣଙ୍କୁ ଗିରଫ କରାଯାଇଛି । ହେଲେ ସହରରେ ମଙ୍ଗଳବାର ବିକ୍ଷୋଭ ସମୟରେ ପ୍ରାଣ ହରାଇଥିବା ଦୁଇ ଜଣଙ୍କ ସମ୍ପର୍କରେ କୌଣସି ସୂଚନା ନାହିଁ । ତେବେ ସହରରେ ଜାରି ରହିଥିବା ବିକ୍ଷୋଭକୁ ନଜରରେ ରଖି ସିସେରୋ ପୋଲିସ ସାଧାରଣ ଲୋକଙ୍କୁ ଘରେ ରହିବା ପାଇଁ ଅନୁରୋଧ କରିଛି ।
ସୂଚନା ମୁତାବକ ଜାରି ରହିଥିବା ବିକ୍ଷୋଭରେ ବର୍ତ୍ତମାନ ସୁଦ୍ଧା ଗୁଳିମାଡରେ ତିନି ଜଣଙ୍କର ମୃତ୍ୟୁ ହୋଇଛି । ଇଣ୍ଡିଆନାପୋଲିସ, ଡେଟ୍ରୋଇଟ ଓ ଓକଲାଣ୍ଡରେ ଏହି ଗୁଳିମାଡ ହୋଇଥିବା ଜଣାପଡିଛି । ସେପଟେ ଏହି ବିକ୍ଷୋଭ ଉପରେ ନିୟନ୍ତ୍ରଣ ଆଣିବା ପାଇଁ ଦେଶରେ ୱାଶିଂଟନ ଡିସି ସମେତ 40ଟି ସହରରେ କର୍ଫ୍ୟୁ ଲାଗୁ କରାଯାଇଛି ।
@IANS
