ୱାଶିଂଟନ: ସାମ୍ବାଦିକ ସୁରକ୍ଷା କମିଟି (Committee to Protect Journalists)ର ରିପୋର୍ଟ ଅନୁସାରେ ବିଶ୍ବରେ ଚଳିତ ବର୍ଷ ବୃତ୍ତି ପାଇଁ ଗିରଫ ହୋଇଛନ୍ତି ୨୯୩ ଜଣ ଗଣମାଧ୍ୟମ ପ୍ରତିନିଧି । ୨୦୨୦ ମସିହାରେ ୨୮୦ ଜଣ ଗିରଫ ହୋଇଥିବା ବେଳେ ଚଳିତ ବର୍ଷ ଏହାର ସଂଖ୍ୟା ବୃଦ୍ଧି ପାଇଛି । ଖବର ସଂଗ୍ରହ କରିବା ସମୟରେ ବିଶ୍ବରେ ମୃତ୍ୟୁବରଣ କରିଛନ୍ତି ୨୪ ଜଣ ସାମ୍ବାଦିକ ।
ଏହି ରିପୋର୍ଟ ଅନୁସାରେ ଚୀନରେ ଅଧିକ ଅସୁରକ୍ଷିତ (China remains World's worst jailer of Journalists) ରହିଛନ୍ତି ଗଣମାଧ୍ୟମ ପ୍ରତିନିଧି । ବିଶ୍ବର ମୋଟ ସଂଖ୍ୟାଠାରୁ ଚୀନରେ କେବଳ ୫୦ ଜଣ ଗିରଫ ହୋଇଛନ୍ତି । ସେପଟେ ମିଆଁମାରରେ ୨୬ ଜଣ ଗିରଫ ହୋଇଥିବା ବେଳେ ଇଜିପ୍ଟରେ ୨୫, ଭିଏତନାମରେ ୨୩, ବେଲାରସରେ ୧୯ ଜଣ ହୋଇଛନ୍ତି ଗିରଫ । ଏହି ଦେଶଗୁଡ଼ିକ ତାଲିକାର ଶୀର୍ଷ ୫ ତାଲିକାରେ ରହିଛି ।
ତେବେ ଗଣମାଧ୍ୟମକୁ ରିପୋର୍ଟିଂରେ ସ୍ବାଧୀନତା ଦିଆଯାଉନଥିବାରୁ ଗିରଫଙ୍କ ସଂଖ୍ୟା ବୃଦ୍ଧି ପାଇଛି ବୋଲି ରିପୋର୍ଟେର ଦର୍ଶାଯାଇଛି । ଏହା ୬ଷ୍ଠ ଥର ପାଇଁ CPJ ରିପୋର୍ଟରେ ୨୫୦ ଜଣ ଗଣମାଧ୍ୟମ ପ୍ରତିନିଧି ଗିରଫ ହୋଇଥିବା ରେକର୍ଡ କରାଯାଇଛି ।
@ANI
