ୱାଶିଂଟନ: ଆମେରିକାରେ ପୁଣି ଗୁଳି ବର୍ଷଣ । ଘଟଣାରେ 2 ଜଣଙ୍କର ମୃତ୍ୟୁ ହୋଇଥିବାବେଳେ 4 ଜଣ ଗୁରୁତର ଆହତ ହୋଇଛନ୍ତି । ଏହି ଗୁଳିମାଡ ମଙ୍ଗଳବାର ରାତିରେ ୟୁନିଭର୍ସିଟି ଅଫ ନର୍ଥ କାରୋଲିନା କ୍ୟାମ୍ପସରେ ଘଟିଛି । ଗୁଳିମାଡରେ 4 ଗୁରୁତରଙ୍କ ଚିକିତ୍ସା ଜାରି ରହିଛି ।
ସୂଚନାନୁଯାୟୀ, ୟୁନିଭର୍ସିଟି ଅଫ ନର୍ଥ କାରୋଲିନାରେ ପ୍ରାୟ 30 ହଜାର ଛାତ୍ର ପଢୁଥିବାବେଳେ ଏହି ଗୁଳିମାଡ ପରେ ଉକ୍ତ ୟୁନିଭର୍ସିଟିକୁ କିଛି ଦିନ ପାଇଁ ବନ୍ଦ କରାଯାଇଥିବାବେଳେ ସମସ୍ତ ଛାତ୍ର ଭୟଭୀତ ଅବସ୍ଥାରେ ଅଛନ୍ତି । ତେବେ ଘଟଣାରେ ଜଣଙ୍କୁ ଗିରଫ କରିଛି ପୋଲିସ ।
ଘଟଣାରେ ସ୍ଥାନୀୟ ମେୟର ଦୁଃଖ ପ୍ରକାଶ କରିବା ସହ ମୃତକ ଓ ଗୁରୁତରଙ୍କ ପରିବାରକୁ ସମବେଦନା ଜଣାଇଛନ୍ତି । ଏମିତି ଏକ ନୃଶଂସ କାଣ୍ଡ ବିଶ୍ବବିଦ୍ୟାଳୟ ଭିତରେ ହୋଇଥିବା ବିଶ୍ବାସ ହେଉନଥିବା ସେ କହିଛନ୍ତି । ତେବେ ଦୁର୍ବୃତ୍ତମାନେ କଣ ପାଇଁ ଓ କାହିଁକି ଏପରି କାଣ୍ଡ ଘଟାଇଲେ ସେନେଇ ତଦନ୍ତ କରୁଛି ପୋଲିସ ।
