ହାଇଦ୍ରାବାଦ: କରଣ ଜୋହରଙ୍କ ଶୋ' ସିଜନ ୮ ବହୁତ ଦମଦାର ରହିଛି । ପ୍ରଥମ ଏପିସୋଡରେ ବଲିଉଡର ପାୱାରଫୁଲ କପଲ ରଣଭୀର ସିଂ ଏବଂ ଦୀପିକା ପାଦୁକୋନ ଖୁବ ମସ୍ତି କରିଥିଲେ । ନିଜ ସମ୍ପର୍କକୁ ନେଇ ଅନେକ ଖୁଲାସା କରିଥିଲେ । ତେବେ ବର୍ତ୍ତମାନ ଶୋ'ର ୨ୟ ଏପିସୋଡରେ ନଜର ଆସିବାକୁ ଯାଉଛନ୍ତି ବଲିଉଡର ଦେଓଲ ବଦର୍ସ ସନ୍ନି ଦେଓଲ ଏବଂ ବବି ଦେଓଲ । ୨ୟ ଏପିସୋଡର ପ୍ରୋମୋ ରିଲିଜ ହୋଇଛି । ଏଥିରେ ଦେଓଲ ବଦର୍ସ ଅନେକ ମସ୍ତି ସହ ଅନେକ ଖୁଲାସା କରୁଥିବା ନଜର ଆସିଛନ୍ତି ।
କରଣ ଜୋହର ଅକ୍ଟୋବର ୩୦ରେ ନିଜ ଇନଷ୍ଟାଗ୍ରାମରେ ଶୋ' ର ୨ୟ ଏପିସୋଡର ପ୍ରୋମୋ ସେୟାର କରିଛନ୍ତି । ଏଥିରେ କରଣ ଜୋହର ଦେଓଲ ବଦର୍ସ ସନ୍ନି ଏବଂ ବବି ଦେଓଲଙ୍କୁ ଜୋରଦାର ସ୍ବାଗତ କରୁଥିବା ଦେଖିବାକୁ ମିଳିଛି । ଏହା ପରେ ଗଦର ୨ ସଫଳତାକୁ ନେଇ କରଣ ପ୍ରଶଂସା କରିବା ସହ ଷ୍ଟାଡିଂ ଓବେସନ (Standing Ovation) ଦେଇଛନ୍ତି । ଏହାପରେ ରକିଓର ରାନୀ କି ପ୍ରେମ କାହାନୀରୁ ତାଙ୍କ ବାପାଙ୍କ କିସ୍ ସିନ ଉପରେ ଦେଓଲ ବଦର୍ସ ପ୍ରତିକ୍ରିୟା ଦେଇଛନ୍ତି ।
କରଣ ଜୋହର ଦେଓଲ ବଦର୍ସଙ୍କୁ ଭେଟେରାନ୍ ଷ୍ଟାର ଧର୍ମେନ୍ଦ୍ର ଏବଂ ଶବାନା ଆଜମିଙ୍କ କିସ୍ ସିନକୁ ଆଲୋଚନା କରିଥିଲେ । ଏନେଇ ବବି କହିଛନ୍ତି, ଆମେ ଏହି ଚଳଚ୍ଚିତ୍ରକୁ ବହୁତ ପସନ୍ଦ କରିଥିଲୁ, ଆମେ ଥଟ୍ଟା କରୁଥିଲୁ ଯେ କିସ୍ କରୁଛନ୍ତି । ସବୁ ଲୋକ କିଛି କହୁଛନ୍ତି କି ନାହିଁ । ସନି ମଧ୍ୟ ବାପାଙ୍କ କିସ୍ ସିନରେ ହସି ହସି ଉତ୍ତର ଦେଇ କହିଥିଲେ ଯେ ସେ ଯାହା ଚାହାଁନ୍ତି ତାହା କରନ୍ତି ।
ଏହା ମଧ୍ୟ ପଢନ୍ତୁ: ଦୀପିକାଙ୍କ ପୂର୍ବରୁ ଅନୁଷ୍କାଙ୍କ ପାଇଁ ରଣଭୀର କହିଥିଲେ ସମାନ କଥା, କମେଣ୍ଟ ବର୍ଷା କଲେ ୟୁଜର୍ସ
ଏହା ପରେ କରଣ ସନ୍ନି ଦେଓଲଙ୍କୁ 'ଗଦର ୨'ରୁ ଫେରିବା ଏବଂ ବବି ଦେଓଲଙ୍କ ସମସ୍ତ ସଫଳ ଚଳଚ୍ଚିତ୍ର ପାଇଁ ଷ୍ଟାଡିଂ ଓବେସନ (Standing Ovation) ଦେଇଛନ୍ତି । ଏବଂ ସନ୍ନିଙ୍କୁ ସଫଳତା ପଛର କାରଣ ପଚାରିଥିଲେ । ଏହି ସମୟରେ ସନ୍ନି ଉତ୍ତରରେ କହିଛନ୍ତି, ଜନସାଧାରଣଙ୍କ ଆଶୀର୍ବାଦ ଏବଂ ଭଲପାଇବା । ଏହା ପରେ କରଣ ଭାରତର ପ୍ରକୃତ ବ୍ଲକବଷ୍ଟର ବୋଲି ସମ୍ବାଧନ କରିଥିଲେ । ସୂଚନା ଥାଉ କି, ଏହି ଶୋ ’ଆସନ୍ତା ଗୁରୁବାର ଦିନ ଡିଜନି ପ୍ଲସ୍ ହଟଷ୍ଟାରରେ ଷ୍ଟ୍ରିମ୍ ହେବ ।
