ହାଇଦ୍ରାବାଦ: ବଲିଉଡ କିଙ୍ଗଖାନ ଭାବେ ବେଶ ପରିଚିତ ଶାହାରୁଖ ଖାନ । କିଙ୍ଗ ଖାନଙ୍କ କୋଟି କୋଟି ପ୍ରଶଂସକ ରହିଛନ୍ତି । ପ୍ରିୟ କଳାକାରଙ୍କୁ ଟିକେ ପାଖରୁ ଦେଖିବା ମାତ୍ରେ ଫଟୋ, ସେଲ୍ଫି ନେବାକୁ ଆଗ୍ରହ ଦେଖାନ୍ତି ଫ୍ୟାନ୍ସ । ହେଲେ ଶାହାରୁଖ ଖାନଙ୍କ ବ୍ୟବହାରକୁ ନେଇ ଏବେ ତାଙ୍କୁ ଟ୍ରୋଲର ଶିକାର ହେବାକୁ ପଡିଛି । ମୁମ୍ବାଇ ବିମାନବନ୍ଦରେ ଜଣେ ଫ୍ୟାନ୍ସ ତାଙ୍କ ସହ ସେଲ୍ଫି ନେବା ସମୟରେ ଶାହାରୁଖ କ୍ରୋଧିତ ହୋଇଥିଲେ । ଏହି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହୋଇଥିବା ବେଳେ ଶାହାରୁଖଙ୍କ ଏଭଳି ବ୍ୟବହାର ପାଇଁ ଟ୍ରୋଲର ଶିକାର ହେବାକୁ ପଡିଛି ।
- " class="align-text-top noRightClick twitterSection" data="
">
ଶାହାରୁଖ ଖାନ କାଶ୍ମୀରରୁ ମୁମ୍ବାଇ ଫେରିଥିଲେ । ଏହି ସମୟରେ ତାଙ୍କୁ ମୁମ୍ବାଇ ବିମାନବନ୍ଦରରେ ଦେଖିବାକୁ ମିଳିଥିଲା । ବିମାନ ବନ୍ଦରରୁ ବାହାରିବା ସମୟରେ ହଜାର ହଜାର ପ୍ରଶଂସକ ଏବଂ ପାପାରାଜି ଅଭିନେତାଙ୍କୁ ଘେରି ରହିଥିଲେ। ଏହି ସମୟରେ ଜଣେ ବ୍ୟକ୍ତି କିଙ୍ଗ ଖାନଙ୍କ ସହ ସେଲଫି ନେବାକୁ ଚାହୁଁଥିଲେ, କିନ୍ତୁ କିଙ୍ଗ ଖାନ ତାଙ୍କୁ ସେଲଫି ମନା କରି କ୍ରୋଧରେ ପ୍ରଶଂସକଙ୍କ ହାତ ଛାଟି ଦେଇଥିଲେ । ଯାହାକୁ ନେଇ ଫ୍ୟାନ୍ସ ଶାହାରୁଖଙ୍କୁ ଟ୍ରୋଲ କରିଛନ୍ତି ।
ଶାହାରୁଖ ଖାନ ଏକ ବ୍ଲାକ ରଙ୍ଗର ପ୍ୟାଣ୍ଟ, ସାର୍ଟ ସହ ଜ୍ୟାକେଟରେ ଖୁବ ସୁନ୍ଦର ଦେଖାଯାଉଥିଲେ । ଏହି ସମୟର ଭିଡିଓଟି ସୋସିଆଲ ମିଡିଆରେ ଭାଇରାଲ ହେବା ପରେ ୟୁଜର୍ସ ତାଙ୍କ ତାଙ୍କ ବ୍ୟବହାରକୁ ନେଇ ସହଜରେ ଗ୍ରହଣ କରିପାରିନାହାନ୍ତି । ଏନେଇ ଜଣେ ୟୁଜର୍ସ ଲେଖିଛନ୍ତି, 'ଏତେ ବର୍ଷରେ ଗୋଟିଏ ହିଟ ଫିଲ୍ମ ହେବା ପରେ ଶାହାରୁଖଙ୍କ ଏଭଳି ବ୍ୟବହାର।' ଅନ୍ୟ ଜଣେ ଲେଖିଛନ୍ତି: 'ଫ୍ୟାନ୍ସ ତାଙ୍କୁ ତିଆରି କରିଛନ୍ତି, ଏବଂ ତାଙ୍କୁ କେଉଁ କଥା ନେଇ ଏତେ ଗର୍ବ'। ଆଉ ଜଣେ ଲେଖିଛନ୍ତି, 'ୟେ କେମିତି କା କିଙ୍ଗଖାନ।'
ସୂଚନା ଥାଉ କି, ଜାନୁଆରୀରେ ରିଲିଜ କରିଥିବା 'ପଠାନ୍' ବକ୍ସ ଅଫିସରେ ଅଧିକ ଆୟ କରି ରେକର୍ଡ ସୃଷ୍ଟି କରିଥିଲା । ଏହା ପରେ ବର୍ତ୍ତମାନ ଅଭିନେତା ତାଙ୍କର ଆଗାମୀ ଫିଲ୍ମର ସୁଟିଂରେ ବ୍ୟସ୍ତ ଅଛନ୍ତି । ଏହାରି ମଧ୍ୟରେ ବିମାନବନ୍ଦରରେ ଫ୍ୟାନ୍ସଙ୍କ ସହ ଏଭଳି ଆଚରଣକୁ ନେଇ ଟ୍ରୋଲ ହୋଇଛନ୍ତି ଶାହାରୁଖ ।
ଶାହାରୁଖଙ୍କ ୱାର୍କପ୍ରଣ୍ଟ କଥା କହିବାକୁ ଗଲେ, ଶାହାରୁଖ ଅଟଲିଙ୍କ ନିର୍ଦ୍ଦେଶିତ ଫିଲ୍ମ ଜବାନ୍ ଏବଂ ରାଜକୁମାର ହିରାନୀଙ୍କ ନିର୍ଦ୍ଦେଶିତ ଫିଲ୍ମ ଡଙ୍କିରେ ନଜର ଆସିବାକୁ ଯାଉଛନ୍ତି । ଉଭୟ ନିର୍ଦ୍ଦେଶକଙ୍କ ସହ ଶାହାରୁଖଙ୍କ ଏହା ପ୍ରଥମ ଫିଲ୍ମ ଅଟେ । ଫିଲ୍ମ ଡଙ୍କିରେ ଶାହାରୁଖଙ୍କ ବିପକ୍ଷରେ ଅଭିନେତ୍ରୀ ତାପସୀ ପନ୍ନୁଙ୍କୁ ଦେଖିବାକୁ ମିଳିବ। ସେହିପରି ଫିଲ୍ମ ଜବାନରେ ଶାହାରୁଖଙ୍କ ବିପକ୍ଷରେ ସାଉଥ ଅଭିନେତ୍ରୀ ନୟନତାରା ନଜର ଆସିବେ।
