ହାଇଦ୍ରାବାଦ: ସାଉଥ ଲୋକପ୍ରିୟ ଅଭିନେତା ପ୍ରଭାସ ଆଜି ତାଙ୍କ ୪୪ତମ ଜନ୍ମଦିନ ପାଳନ କରୁଛନ୍ତି । ଏହି ଅବସରରେ ସେଲିବ୍ରିଟିଙ୍କ ଠାରୁ ଆରମ୍ଭ କରି ଫ୍ୟାନ୍ସ ଅଭିନେତାଙ୍କୁ ତାଙ୍କ ଜନ୍ମଦିନର ଶୁଭେଚ୍ଛା ଜଣାଇଛନ୍ତି । ଏଥିସହ ପ୍ରଭାସଙ୍କ ଜନ୍ମଦିନରେ ତାଙ୍କ ଆଗାମୀ ଫିଲ୍ମ ସାଲାରର ନୂଆ ପୋଷ୍ଟର ରିଲିଜ କରିଛନ୍ତି ନିର୍ମାତା ଏହି ପୋଷ୍ଟରରେ ପ୍ରଭାସଙ୍କ ନୂଆ ଲୁକ ଦେଖିବାକୁ ମିଳିଛି ।
-
Happy birthday to the Unrelenting, Unmerciful King's General 𝐒𝐀𝐋𝐀𝐀𝐑, #Prabhas 💥#HappyBirthdaySalaar#SalaarCeaseFire #Salaar #SalaarCeaseFireOnDec22 pic.twitter.com/C69nymU0dD
— Hombale Films (@hombalefilms) October 22, 2023 " class="align-text-top noRightClick twitterSection" data="
">Happy birthday to the Unrelenting, Unmerciful King's General 𝐒𝐀𝐋𝐀𝐀𝐑, #Prabhas 💥#HappyBirthdaySalaar#SalaarCeaseFire #Salaar #SalaarCeaseFireOnDec22 pic.twitter.com/C69nymU0dD
— Hombale Films (@hombalefilms) October 22, 2023Happy birthday to the Unrelenting, Unmerciful King's General 𝐒𝐀𝐋𝐀𝐀𝐑, #Prabhas 💥#HappyBirthdaySalaar#SalaarCeaseFire #Salaar #SalaarCeaseFireOnDec22 pic.twitter.com/C69nymU0dD
— Hombale Films (@hombalefilms) October 22, 2023
ହମ୍ବଲ ଫିଲ୍ମସ ଏକ୍ସରେ ସାଲାରର ନୂଆ ପୋଷ୍ଟର ରିଲିଜ କରିଛନ୍ତି । ଏହି ପୋଷ୍ଟରରେ ପ୍ରଭାସଙ୍କ ଗୋଟିଏ ନୁହେଁ ଅନେକ ଲୁକ ସେୟାର କରି ପ୍ରଭାସଙ୍କୁ ଜନ୍ମଦିନ ଶୁଭେଚ୍ଛା ଜଣାଇଛନ୍ତି । ଗୋଟିଏ ଲୁକରେ ପ୍ରଭାସ ଦୁଇ ହାତରେ ଖଣ୍ଡା ଧରିଥିବା ନଜର ଆସିଛନ୍ତି । ଅନ୍ୟଟିରେ ସେ ରକ୍ତରେ ଭିଜି ଖଣ୍ଡା ଧରିଥିବା ନଜର ଆସିଥିବା ବେଳେ ଆଉ ଗୋଟିଏରେ ସେ ବନ୍ଧୁକ ଧରି ବସିଥିବାର ଦେଖିବାକୁ ମିଳିଛି । ତାଙ୍କର ଏହି ଦମଦାର ଲୁକର ଫଟୋ ଏବେ ବେଶ ଭାଇରାଲ ହେବାରେ ଲାଗିଛି । ଏବଂ ଫ୍ୟାନ୍ସ ଏହାକୁ ବେଶ ପସନ୍ଦ କରୁଛନ୍ତି ।
ସେପଟେ ପ୍ରଭାସଙ୍କ ଜନ୍ମଦିନରେ ଅଭିନେତା ପୃଥ୍ବୀରାଜ ସୁକୁମାରନ ଇନଷ୍ଟାଗ୍ରାମ ଷ୍ଟୋରୀରେ ପ୍ରଭାସଙ୍କ ଏହି ନୂଆ ପୋଷ୍ଟର ସେୟାର କରି ଅଭିନେତାଙ୍କୁ ଜନ୍ମଦିନ ଶୁଭକାମନା ଜଣାଇଛନ୍ତି । ସେ କ୍ୟାପସନରେ ଲେଖିଛନ୍ତି, ହାପି ବର୍ଥ ଡେ ଅବିଶ୍ବସନୀୟ ଅଭିନେତା ପ୍ରଭାସ । ୨୨ ଡିସେମ୍ବରରେ ମୋ ସାଲାରକୁ ଦେଖିବାକୁ ଅପେକ୍ଷା କରିପାରୁନାହିଁ । ସେହିପରି ଭେଙ୍କଟେଶ ଦଗ୍ଗୁବତୀ ନିଜ ଇନଷ୍ଟାଷ୍ଟୋରୀରେ ପ୍ରଭାସଙ୍କ ଏକ ଫଟୋ ସେୟାର କରି ଜନ୍ମଦିନର ଶୁଭେଚ୍ଛା ଜଣାଇଛନ୍ତି । ଏବଂ ଲେଖିଛନ୍ତି, ମୁଁ କାମନା କରୁଛି ଏହି ବର୍ଷ ତୁମକୁ ଭଲପାଇବା, ଶାନ୍ତି ଏବଂ ସଫଳତା ମିଳୁ ।
ଏହା ମଧ୍ୟ ପଢନ୍ତୁ: ସାଲାର ରିଲିଜ ପରେ ବିବାହ କରିବେ ପ୍ରଭାସ ! ସମ୍ପର୍କୀୟ କଲେ ଖୁଲାସା
ସୂଚନା ଥାଉ କି, ପ୍ରଭାସଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର 'ସାଲାର' 22 ଡିସେମ୍ବରରେ ମୁକ୍ତିଲାଭ କରିବ । ପ୍ରଶାନ୍ତ ନୀଲଙ୍କ ନିର୍ଦ୍ଦେଶିତ ଏହି ଚଳଚ୍ଚିତ୍ରରେ ପ୍ରଭାସଙ୍କ ସହ ପ୍ରୀତିରାଜ ସୁକୁମାରନ୍ ଏବଂ ଶ୍ରୁତି ହାସନ ମଧ୍ୟ ମୁଖ୍ୟ ଭୂମିକାରେ ଅଭିନୟ କରିଛନ୍ତି । ଏହି ଚଳଚ୍ଚିତ୍ର କନ୍ନଡ, ତାମିଲ, ତେଲୁଗୁ, ମାଲାୟାଲମ୍ ଏବଂ ହିନ୍ଦୀରେ ମୁକ୍ତିଲାଭ କରିବ । ଏହା ବ୍ୟତୀତ ଦକ୍ଷିଣର ସୁପର ଭିଲେନ୍ ଜଗପତି ବାବୁ, ଇଶ୍ୱରୀ ରାଓ, ଶ୍ରୀୟା ରେଡ୍ଡୀ ମଧ୍ୟ ଏହି ଚଳଚ୍ଚିତ୍ରରେ ପ୍ରମୁଖ ଭୂମିକାରେ ନଜର ଆସିବେ । ଫିଲ୍ମର ବଜେଟ୍ 400 କୋଟିରୁ ଅଧିକ ହେବ ବୋଲି କୁହାଯାଉଛି ।
