ହାଇଦ୍ରାବାଦ: ଦକ୍ଷିଣ ଚଳଚ୍ଚିତ୍ର ଇଣ୍ଡଷ୍ଟ୍ରିର ସୁପରଷ୍ଟାର ତଥା 'ବାହୁବଲୀ' ତାରକା ପ୍ରଭାସଙ୍କ ପ୍ରଶଂସକଙ୍କ ପାଇଁ ଏକ ଖୁସି ଖବର । ଅଭିନେତା ଖୁବଶୀଘ୍ର ବିବାହ କରିବାକୁ ଯାଉଛନ୍ତି । ପ୍ରଭାସ ବର୍ତ୍ତମାନ 43 ବର୍ଷ ବୟସ ହେଲାଣି । ହେଲେ କୌଣସି ସୁନ୍ଦରୀ ତାଙ୍କ ଜୀବନରେ ଏଣ୍ଟ୍ରି କରିନାହାଁନ୍ତି । ଏହାରି ମଧ୍ୟରେ ପ୍ରଭାସ ଆଗାମୀ ଚଳଚ୍ଚିତ୍ର 'ଆଦିପୁରୁଷ'ର ପ୍ରି-ରିଲିଜ୍ ଇଭେଣ୍ଟରେ ନିଜ ବିବାହକୁ ନେଇ ଏକ ଖୁଲାସା କରିଛନ୍ତି । ସେ ଫ୍ୟାନ୍ସଙ୍କୁ କେଉଁ ଠାରେ ବିବାହ କରିବେ କହିଛନ୍ତି । ବର୍ତ୍ତମାନ ଏହି ଖବର ଶୁଣିବା ପରେ ବର୍ତ୍ତମାନ ପ୍ରଭାସଙ୍କ ଉତ୍ସାହର ସହ ତାଙ୍କ ବିବାହକୁ ଅପେକ୍ଷା କରିଛନ୍ତି ।
- " class="align-text-top noRightClick twitterSection" data="">
ଗତକାଲି ରାତିରେ ତିରୁପତି (ଆନ୍ଧ୍ରପ୍ରଦେଶ)ରେ ଆଗାମୀ ଚଳଚ୍ଚିତ୍ର ଆଦିପୁରୁଷର ପ୍ରି-ରିଲିଜ୍ ଇଭେଣ୍ଟ ଅନୁଷ୍ଠିତ ହୋଇଥିଲା । ଫିଲ୍ମର ଟ୍ରେଲର ଲଞ୍ଚ ସମୟରେ ପ୍ରଭାସ ପ୍ରଶଂସକମାନଙ୍କୁ ବିବାହକୁ ନେଇ ଏକ ଖୁସି ଖବର ଦେଇଥିଲେ। ଅଭିନେତା କହିଥିଲେ ଯେ ସେ ତିରୁପତିରେ ବିବାହ କରିବେ । ହେଲେ ପ୍ରଭାସ କାହାକୁ ଏବଂ କେବେ ବିବାହ କରିବେ ତାହା କହିନାହାଁନ୍ତି । ତେବେ ବର୍ତ୍ତମାନ ପ୍ରଭାସଙ୍କ ପ୍ରଶଂସକମାନେ ଜାଣିବାକୁ ଚାହାନ୍ତି ଯେ ସେମାନଙ୍କ ପ୍ରିୟ ତାରକା କାହା ସହ ବିବାହ କରିବେ ?
ଓମ ରାଉତଙ୍କ ନିର୍ଦ୍ଦେଶିତ ଫିଲ୍ମ 'ଆଦିପୁରୁଷ'ର ଦ୍ୱିତୀୟ ତଥା ଅନ୍ତିମ ଟ୍ରେଲର ଗତ ରାତିରେ (ଜୁନ୍ 6) ରିଲିଜ୍ ହୋଇଛି । ତିରୁପତି ଚଳଚ୍ଚିତ୍ରର ପ୍ରି-ରିଲିଜ୍ ଇଭେଣ୍ଟରେ ଫିଲ୍ମର ଟ୍ରେଲର ଲଞ୍ଚ କରାଯାଇଥିଲା । ଏଠାରେ ଚଳଚ୍ଚିତ୍ର ନିର୍ମାତା (ଭୂଷଣ କୁମାର ଏବଂ ଓମ୍ ରାଉତ) ଏବଂ ଷ୍ଟାରକାଷ୍ଟ ପ୍ରଭାସ ଏବଂ କ୍ରିତି ସାନନ୍ ଫିଲ୍ମର ନୂଆ ଟ୍ରେଲର ଲଞ୍ଚ କରିଥିଲେ । ଫିଲ୍ମର ଦ୍ୱିତୀୟ ତଥା ଅନ୍ତିମ ଟ୍ରେଲର ରିଲିଜ ହେବାର 9 ଦିନ ପୂର୍ବରୁ ରିଲିଜ ହୋଇଛି । ହିନ୍ଦୀ ବ୍ୟତୀତ ତେଲୁଗୁ, ତାମିଲ, କନ୍ନଡ ଏବଂ ମାଲାୟାଲମ ଭଳି 5ଟି ଭାଷାରେ ରିଲିଜ ହେବାକୁ ଯାଉଛି । ଫିଲ୍ମରେ ପ୍ରଭାସ ଆଦିପୁରୁଷ ଫିଲ୍ମରେ ପ୍ରଭୁ ରାମଙ୍କ ଭୂମିକାରେ ଥିବାବେଳେ ବଲିଉଡ ଅଭିନେତ୍ରୀ କ୍ରିତି ସାନନ ମା ସୀତା ଭୂମିକାରେ ଅଭିନୟ କରିବେ ।
ସୈଫ ଅଲି ଖାନ ରାବଣ ଭୂମିକାରେ, ସନ୍ନି ସିଂ ଲକ୍ଷ୍ମଣ ଭୂମିକାରେ ନଜର ଆସିବେ । 500 କୋଟି ଟଙ୍କାର ବଜେଟରେ ନିର୍ମିତ ହୋଇଥିବା ପାନ ଇଣ୍ଡିଆ ଚଳଚ୍ଚିତ୍ର 'ଆଦିପୁରୁଷ' 16 ଜୁନରେ ରିଲିଜ କରିବ । ଏଥିସହ ଫିଲ୍ମର ପିଲିଜ ହେବାର ସବୁ ଥିଏଟରରେ ପ୍ରଭୁ ହନୁମାନଙ୍କ ପାିଇଁ ଗୋଟିଏ ସିଟ ରିଜର୍ଭ ରହିବ । କୁହାଯାଏ ଯେ, "ଯେଉଁଠାରେ ରାମାୟଣ ପଢାଯାଏ ସେଠାରେ ପ୍ରଭୁ ହନୁମାନ ଦେଖାଯାଇଥାନ୍ତି । ଏହି ବିଶ୍ବାସକୁ ସମ୍ମାନ ଜଣାଇ ପ୍ରତ୍ୟେକ ଥିଏଟର ଆଦିପୁରୁଷର ସ୍କ୍ରିନିଂରେ ଗୋଟିଏ ସିଟ୍ ବିକ୍ରୟ ନକରି ପ୍ରଭୁ ହନୁମାନଙ୍କ ପାଇଁ ଉତ୍ସର୍ଗ କରାଯିବ ।
