ମୁମ୍ବାଇ: ଉତ୍ତରପ୍ରଦେଶର ଉମେଶ ପାଲ ହତ୍ୟା ମାମଲାରେ ଦୋଷୀ ସାବ୍ୟସ୍ତ ଅତିକ ଅହମ୍ମଦଙ୍କ ପୁଅ ଅସଦ ଅହମ୍ମଦ ଏବଂ ସହଯୋଗୀ ଗୁଲାମଙ୍କୁ ୟୁପି ପୋଲିସ ଏନକାଉଣ୍ଟର କରିଛି । ଏହି ଏନକାଉଣ୍ଟରରୁ ବର୍ତ୍ତମାନ ସେମାନଙ୍କୁ ନ୍ୟାୟ ମିଳିଥିବା କହିଥିଲେ ଉମେଶଙ୍କ ପରିବାର ସଦସ୍ୟ । ଏହାରି ମଧ୍ୟରେ ଘଟଣା ନେଇ ବଲିଉଡ କୁଇନ କଙ୍ଗନା ରାଣାୱତ ମଧ୍ୟ ଏହି ଏନକାଉଣ୍ଟର ପାଇଁ ଖୁସି ବ୍ୟକ୍ତ କରିଛନ୍ତି । କଙ୍ଗନା ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କୁ ତାଙ୍କୁ ଭାଇ ବୋଲି ସମ୍ବୋଧନ କରି ପ୍ରଶଂସା କରିଛନ୍ତି ।
ଗତ ଗୁରୁବାର ଦିନ ଝାନ୍ସିଂରେ ଏକ ଏନକାଉଣ୍ଟର ହୋଇଥିଲା । ଯେଉଁଥିରେ ଉମେଶ ପାଲ ହତ୍ୟାକାଣ୍ଡରେ ସମ୍ପୃକ୍ତ 2 ଅଭିଯୁକ୍ତ ଅସଦ ଅହମ୍ମଦ ଏବଂ ଗୁଲାମଙ୍କୁ ପୋଲିସ ଏନକାଉଣ୍ଟର କରିଥିଲା । ୟୁପି ପୋଲିସର ଏହି ସଫଳତା ପାଇଁ ସୋସିଆଲ ମିଡିଆରେ କଙ୍ଗନା ରାଣାୱତ ସିଏମ୍ ଯୋଗୀ ଆଦିତ୍ୟନାଥଙ୍କ ପ୍ରଶଂସା କରିଛନ୍ତି । କଙ୍ଗନା ନିଜ ଇନଷ୍ଟାଗ୍ରାମ ଷ୍ଟୋରୀରେ ଯୋଗୀଙ୍କ ଏକ ଫଟୋରେ 'ଯଦି ତୁମେ ଖରାପ ତେବେ ମୁଁ ତୁମର ବାପା'। ଏଥିସହ ସେ ଏହି ପୋଷ୍ଟରେ 'ମୋ ଭାଇ ଯୋଗୀ ଆଦିତ୍ୟନାଥଙ୍କ ପରି କେହି ନୁହଁ' ବୋଲି ମଧ୍ୟ ଲେଖିଛନ୍ତି । ତେବେ କଙ୍ଗନା ଏହି ସଂଳାପକୁ ରକିଂ ଷ୍ଟାର୍ ୟଶଙ୍କ ସୁପରହିଟ୍ ଫିଲ୍ମ କେଜିଏଫରୁ ନେଇଥିବା ଜଣାପଡିଛି ।
ସୂଚନା ଥାଉ କି, 2005 ଜାନୁଆରେ 25 ତାରିଖରେ ବସପା ବିଧାୟକ ରାଜୁ ପାଲଙ୍କୁ ହତ୍ୟା କରାଯାଇଥିଲା । ଏହି ଘଟଣାରେ ମୁଖ୍ୟ ସାକ୍ଷୀ ଉମେଶ ପାଲଙ୍କୁ ଗୁଳି କରି ହତ୍ୟା କରାଯାଇଥିଲା । ଉକ୍ତ ଆକ୍ରମଣରେ ଉମେଶ ପାଲଙ୍କ ସମେତ ତାଙ୍କ ସୁରକ୍ଷା ଦାୟିତ୍ବରେ ଥିବା ଉତ୍ତରପ୍ରଦେଶ ପୋଲିସର ଦୁଇ ଯବାନ ମଧ୍ୟ ପ୍ରାଣ ହରାଇଥିଲେ । ଘଟଣା ପରେ ଉଭୟ ଫେରାର ଥିଲେ। ହେଲେ ଗୁରୁବାର ଉଭୟ ଅଭିଯୁକ୍ତ ଝାନ୍ସିରେ ଥିବା ନେଇ ପୋଲିସ ସୂଚନା ପାଇବା ପରେ ସ୍ପେସାଲ ଟାକ୍ସଫୋର୍ସ ଟିମ୍ ଏହି କାର୍ଯ୍ୟାନୁଷ୍ଠାନ ଗ୍ରହଣ କରିଥିଲା ବୋଲି ସୂଚନା ଦେଇଥିଲେ ଏଡିଜି ପ୍ରଶାନ୍ତ କୁମାର ।
ସେପଟେ ପୋଲିସର ଏହି ସଫଳ ଏନକାଉଣ୍ଟରକୁ ପ୍ରଶଂସା କରିଛନ୍ତି । ପୂର୍ବରୁ ମାଫିଆଙ୍କୁ ମାଟିରେ ମିଶାଇ ଦେବା ପାଇଁ ଖୋଲା ଚ୍ୟାଲେଞ୍ଜ ଦେଇଛନ୍ତି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ । ତେବେ ଘଟଣାରେ ଉମେଶଙ୍କୁ ନ୍ୟାୟ ମିଳିଥିବା ନେଇ ପରିବାର ଖୁସିବ୍ୟକ୍ତ କରିଥିଲେ । ଏବଂ ଏନେଇ ଯୋଗୀଙ୍କୁ ଧନ୍ୟବାଦ ଜଣାଇଥିଲେ । ସେପଟେ ଯୋଗୀ ସରକାରଙ୍କ ଏହି ସଫଳତା ପାଇଁ ଅଭିନେତ୍ରୀ କଙ୍ଗନା ମଧ୍ୟ ଖୁସି ଜାହିର କରିଥିଲେ ।
କଙ୍ଗନାଙ୍କ ୱାର୍କଫ୍ରଣ୍ଟ କଥା କହିବାକୁ ଗଲେ, କଙ୍ଗନା ଆଜିକାଲି ତାଙ୍କର ଦୁଇଟି ଫିଲ୍ମ ପାଇଁ ବେଶ ଚର୍ଚ୍ଚାରେ ରହିଛନ୍ତି । 'ଚନ୍ଦ୍ରମୁଖୀ ୨' ଏବଂ ରାଜନୈତିକ ଡ୍ରାମା ଫିଲ୍ମ 'ଏମରଜେନ୍ସି'ରେ ନଜର ଆସିବାକୁ ଯାଉଛନ୍ତି କଙ୍ଗନା ।
