ମୁମ୍ବାଇ: ବଲିଉଡର 90 ଦଶକର ଦୁଇ ସୁନ୍ଦରୀ ଅଭିନେତ୍ରୀ ମାଧୁରୀ ଦୀକ୍ଷିତ ଏବଂ କରିସ୍ମା କପୁରଙ୍କୁ 26 ବର୍ଷ ପରେ ପୁଣି ଏକାଠି ଦେଖିବାକୁ ମିଳିଛି । ସୋସିଆଲ ମିଡିଆରେ ଉଭୟଙ୍କର ଏକ ଭିଡିଓ ବେଶ ଭାଇରାଲ ହେବାରେ ଲାଗିଛି । ଏହି ଭିଡିଓରେ ମାଧୁରୀ ଏବଂ କରିସ୍ମା ଏକାଠି ନାଚି ଗାଇ ମଜା କରୁଥିବା ଦେଖିବାକୁ ମିଳିଛି । କରିସ୍ମା କପୁର ଏବଂ ମାଧୁରୀ ମଧ୍ୟ ଉଭୟଙ୍କ ଏହି ଭିଡିଓକୁ ସୋସିଆଲ ମିଡିଆରେ ସେୟାର କରିଛନ୍ତି । 26 ବର୍ଷ ପରେ ଦୁଇ ହସିନାଙ୍କ ଡ୍ୟାନ୍ସ ଜଲୱାକୁ ୟୁଜର୍ସ ମଧ୍ୟ ଖୁବ ପସନ୍ଦ କରୁଛନ୍ତି । ଏହି ଯୋଡି 1997 ଚଳଚ୍ଚିତ୍ର 'ଦିଲ୍ ତୋ ପାଗଲ ହେ'ରେ ସ୍କ୍ରିନ୍ ସେୟାର କରିଥିଲେ।
- " class="align-text-top noRightClick twitterSection" data="
">
ଏକ ପାର୍ଟିରେ ବଲିଉଡର ଏହି ଦୁଇ ଲୋକପ୍ରିୟ ଅଭିନେତ୍ରୀ 'ୟେ ଜୱାନୀ ହେ ଦିୱାନୀ' ଫିଲ୍ମର ସୁପରହିଟ୍ ଗୀତ 'ବଲମ ପିଚକାରୀ' ଗୀତରେ ଡ୍ୟାନ୍ସ କରୁଥିବାର ନଜର ଆସିଛନ୍ତି । ଏହି ସମୟରେ କରିସ୍ମା ବ୍ଲାକ୍ ଆଉଟଫିଟରେ ନଜର ଆସିଥିବା ବେଳେ ମାଧୁରୀ ୟେଲୋ ଆଉଟଫିଟରେ ନଜର ଆସିଛନ୍ତି । ଉଭୟ ଡ୍ୟାନ୍ସ ସହ ସେଲ୍ଫି ମଧ୍ୟ ନେଇଛନ୍ତି । ମାଧୁରୀ ଏବଂ କରିସ୍ମା ନିଜ ଇନ୍ଷ୍ଟାଗ୍ରାମରେ ଉଭୟଙ୍କ ଫଟୋ ଏବଂ ଭିଡିଓ ସେୟାର କରିଛନ୍ତି । ସେପଟେ ସୋସିଆଲ ମିଡିଆରେ ମଧ୍ୟ ଉଭୟଙ୍କ ଡ୍ୟାନ୍ସର ଭିଡିଓ ଭାଇରାଲ ହେବାରେ ଲାଗିଛି ।
ଏହି ଭିଡିଓ ସେୟାର ହେବା ପରେ ଅନେକ କଳାକାର ଏବଂ ଫ୍ୟାନ୍ସ ଏହାକୁ ଲାଇକ୍ କରିବା ସହ ପ୍ରତିକ୍ରିୟା ଦେଇଛନ୍ତି । ଏହା ଉପରେ ପ୍ରତିକ୍ରିୟା ଦେଇ କରୀନା କପୁର ଖାନ ଲେଖିଛନ୍ତି, 'ଓଜି ସୁପରଷ୍ଟାର'। ସେହିପରି ସାଉଥ ସୁନ୍ଦରୀ ତମନ୍ନା ଭାଟିଆ ଏବଂ ରାଶି ଖାନ୍ନା ମଧ୍ୟ ଏହି ଭିଡିଓକୁ ଲାଇକ କରିବା ସହ ରେଡ୍ ହାର୍ଟ ଇମୋଜି ଦେଇଛନ୍ତି । ସେପଟେ ଚିତ୍ରଙ୍ଗଦା ସିଂ, ଭୁମି ପେଡନେକର ଏବଂ ଅଭିନେତା ସଞ୍ଜୟ କପୁରଙ୍କ ସମେତ ଅନେକ ତାରକା ଏହି ଭିଡିଓକୁ ଲାଇକ୍ କରିଛନ୍ତି ।
କରିସ୍ମା କପୁରଙ୍କ ୱାର୍କପ୍ରଣ୍ଟ କଥା କହିବାକୁ ଗଲେ, ସେ 2020ରେ ୱେବ୍ ସିରିଜ୍ ମେଣ୍ଟାଲହୁଡ୍ ସହ OTTରେ ଡେବ୍ୟୁ କରିଥିଲେ । ସେ ଅଭିନୟ ଦେଓଙ୍କ ଆଗାମୀ ୱେବ୍ ସିରିଜ୍ ବ୍ରାଉନରେ ବି ନଜର ଆସିବେ । ଏହା ବ୍ୟତୀତ ସେ ଚଳଚ୍ଚିତ୍ର ନିର୍ମାତା ହୋମି ଅଦାଜାନିଆଙ୍କ ଆଗାମୀ ଫିଲ୍ମ ମର୍ଡର ମୁବାରକରେ ସାରା ଅଲି ଖାନଙ୍କ ସହ ନଜର ଆସିବେ । ସେପଟେ ମାଧୁରୀଙ୍କୁ ଶେଷ ଥର ପାଇଁ 2019ରେ ରିଲିଜ ହୋଇଥିବା ଫିଲ୍ମ 'କଳଙ୍କ'ରେ ଦେଖିବାକୁ ମିଳିଥିଲା । ଏହାପରେ ସେ 2022ରେ ଆମାଜନ ପ୍ରାଇମରେ ରିଲିଜ ହୋଇଥିବା 'ମଜା ମା' ଫିଲ୍ମରେ ନଜର ଆସିଥିଲେ ।
