ମୁମ୍ବାଇ: ଟେଲିଭିଜନର ଲୋକପ୍ରିୟ କଳାକାର ଗୁରମିତ ଚୌଧୁରୀ ପିତା ହୋଇଛନ୍ତି । ଗୁରମିତ ଓ ଦେବିନା ବାନାର୍ଜୀ ନିଜର ପ୍ରଥମ ସନ୍ତାନଙ୍କୁ ସ୍ବାଗତ କରିଛନ୍ତି । ତେବେ ସେମାନେ ଏକ କନ୍ୟ ସନ୍ତାନର ପିତାମାତା ହୋଇଛନ୍ତି । ଏହି ଯୋଡ଼ି ନିଜ ଇନଷ୍ଟାଗ୍ରାମରେ ଏକ ଭିଡ଼ିଓ ସେୟାର କରିଛନ୍ତି । ଯେଉଁଥିରେ ଗୁରମିତ, ଦେବିନା ଓ ଦୁହିଁଙ୍କ ନହ୍ନି ପରିର ହାତ ଥିବା ଦେଖିବାକୁ ମିଳିଛି ।
- " class="align-text-top noRightClick twitterSection" data="
">
ଭିଡ଼ିଓ କ୍ୟାପସନରେ ଉଭୟ ଲେଖିଛନ୍ତି ଯେ," ଆମେ କୃତଜ୍ଞତାର ସହିତ ନିଜ ଶିଶୁକୁ ଏହି ଦୁନିଆକୁ ସ୍ବାଗତ କରୁଛୁ । ସମସ୍ତଙ୍କ ଭଲ ପାଇବା ଓ ଆଶୀର୍ବାଦ ପାଇଁ ଧନ୍ୟବାଦ" । ଏହାସହିତ ସେ ଆଜିର ତାରିଖ(୩.୪.୨୦୨୨)କୁ ଲେଖିଛନ୍ତି । ନିଜ ପ୍ରଶଂସକଙ୍କୁ ଏହି ଖବର ଦେବା ସହ ଭଲ ପାଇବା ପାଇଁ ଉଭୟ ଧନ୍ୟବାଦ ଜଣାଇଛନ୍ତି । ତେବେ ସୂଚନା ଥାଉ କି ଗୁରମିତ ଓ ଦେବିନା ଗତ ୨୦୧୧ ମସିହାରେ ବିବାହ କରିଥିଲେ । ଏହାପରେ ସେମାନେ ନିଜ ନିଜ କାର୍ଯ୍ୟରେ ବ୍ୟସ୍ତ ରହୁଥିଲେ ।
ଏହି ଦମ୍ପତି ୨୦୨୨ ଫେବୃଆରୀ ମାସରେ ଗର୍ଭବତୀ ହେବା ସମ୍ପର୍କରେ ଖବର ଦେଇଥିଲେ । ଗୁରମିତ(୩୮) ଓ ଦେବିନା(୩୪) ଅନେକ ରିୟଲିଟି ଶୋ'ରେ ସାଥୀରେ ନଜର ଆସିଛନ୍ତି । ଯେଉଁଥିରେ 'ନଚ ବଲିୟେ', 'ଫିୟର ଫ୍ୟାକ୍ଟର: ଖତରୋଁ କେ ଖିଲାଡି' ଭଳି ଶୋ' ସାମିଲ ରହିଛି । ଅନ୍ୟପଟେ ଲୋକପ୍ରିୟ ହାସ୍ୟ ଅଭିନେତ୍ରୀ ତଥା କମେଡି କୁଇନ ଭାରତୀ ସିଂ ମଧ୍ୟ ମା' ହେବାର ସୌଭାଗ୍ୟ ଅର୍ଜନ କରିଛନ୍ତି ।
ଗତକାଲି(ରବିବାର) ଭାରତୀ ଓ ସ୍ବାମୀ ହର୍ଷ ଏକ ଶିଶୁପୁତ୍ରର ପିତାମାତା ହୋଇଛନ୍ତି । ଭାରତୀ ଗର୍ଭବତୀ ହେବା ସମ୍ପର୍କରେ ଖବର ନିଜ ୟୁଟ୍ୟୁବ ଚ୍ୟାନେଲରେ ଲାଇଭ ସମସ୍ତଙ୍କୁ ଜଣାଇଥିଲେ । ଭାରତୀ ଏହି ଗୁଡ ନ୍ୟୁଜ ସମ୍ପର୍କରେ କରିଥିବା ପୋଷ୍ଟରେ ସ୍ବାମୀଙ୍କ ସହ ଏକ ଫଟୋ ମଧ୍ୟ ସେୟାର କରିଥିଲେ ।
ବ୍ୟୁରୋ ରିପୋର୍ଟ, ଇଟିଭି ଭାରତ
