ଟ୍ରେନ୍ ଟ୍ରାକ ଓ ରେଳ ପରିସରରେ ସେଲଫି ନେଲେ ସାବଧାନ ! ହୋଇପାରେ ଜେଲ ଦଣ୍ଡ

ରେଳ ପରିସରରେ ସେଲଫି ନେଉଥିଲେ ସାବଧାନ ! ରେଳ ଟ୍ରାକ୍ ଓ ପରିସରରେ ସେଲଫି ନେଲେ କଡ଼ା କାର୍ଯ୍ୟାନୁଷ୍ଠାନ ।

ଭୁବନେଶ୍ୱର: କିଶୋର ଏବଂ କଲେଜ ଛାତ୍ରଛାତ୍ରୀ ମାନଙ୍କୁ ରେଳ ଟ୍ରାକ ନିକଟରେ ଏବଂ ରେଳ ପରିସରର ସମ୍ବେଦନଶୀଳ ଅଞ୍ଚଳରେ ସେଲଫି ନେବାର ବିପଦପୂର୍ଣ୍ଣ ଅଭ୍ୟାସକୁ ରୋକିବାକୁ ସଚେତନତା ଆବଶ୍ୟକତା ରହିଛି । ଯାହାକୁ ନେଇ ପୂର୍ବତଟ ରେଳପଥ ଏକ ଅଭିଯାନ ଆରମ୍ଭ କରିଛି । ରେଳ ଟ୍ରାକ ନିକଟରେ ଛୋଟ ଭିଡିଓ ଉତ୍ତୋଳନ କରିବା ଏବଂ ସେଲଫି ନେବା ପାଇଁ ପ୍ରୟାସ କରିବା ସମୟରେ ଅନେକ ସମୟରେ ଦୁର୍ଘଟଣା ଯୋଗୁଁ ପ୍ରାଣ ହରାଇବା ଘଟଣା ବୃଦ୍ଧି ପାଉଛି ।

selfies near trains (ETV Bharat Odisha)

ଟ୍ରେନ ସମ୍ମୁଖରେ ଭିଡିଓ ବନାଇବା ଏକ ଘାତକ ବିପଦ-
ରେଳ ଷ୍ଟେସନ ପରିସରରେ କିମ୍ବା ଟ୍ରାକ ନିକଟରେ ସେଲଫି ନେଇ ସୋସିଆଲ ମିଡିଆରେ ପୋଷ୍ଟ କରିବା ଏକ ମଜାଦାର କାର୍ଯ୍ୟକଳାପ ପରି ମନେହୁଏ । କିନ୍ତୁ ଏହା ଘାତକ ଅଟେ । ସାମ୍ପ୍ରତିକ ବର୍ଷଗୁଡ଼ିକରେ, ଅନେକ ଦୁର୍ଘଟଣା ଘଟିଛି। ଯେଉଁଠାରେ ଛାତ୍ର କିମ୍ବା ଯୁବକ ବର୍ଗମାନେ ଅସୁରକ୍ଷିତ ସ୍ଥାନରେ ସେଲ୍ଫି ନେଉଥିବା ସମୟରେ ଚଳନ୍ତା ଟ୍ରେନ୍ ଦ୍ୱାରା ତଳକୁ ଖସି ପଡ଼ି ପ୍ରାଣ ହରାଇବା ଓ ଗୁରୁତର ଆହତ ହେବା ଘଟଣା ଘଟିଛି । ଏହି ଘଟଣା ଗୁଡ଼ିକ ମଧ୍ୟରୁ ଅନେକ ଘଟଣା ଗୁଡିକର କାରଣ ଲୋକମାନେ ସେମାନଙ୍କ ଚାରିପାଖରେ ଥିବା ବିପଦଗୁଡ଼ିକ ପ୍ରତି ଧ୍ୟାନ ଦେଉ ନାହାନ୍ତି । ଯେପରିକି ଚଳନ୍ତା ଟ୍ରେନ୍, ମୁଣ୍ଡ ଉପର ବିଦ୍ୟୁତ୍ ଶକ୍ତି ଉପକରଣ ଏବଂ ଜନଗହଳିପୂର୍ଣ୍ଣ ଷ୍ଟେସନ ଅଞ୍ଚଳ ଦେଖାଯାଇଥାଏ ।

While it might be tempting to snap the perfect selfies, Railway tracks aren't safe places for photos.#ResponsibleRailYatri pic.twitter.com/b6hiFMHGVG

— Ministry of Railways (@RailMinIndia) June 8, 2024

ସମାଧାନ ପାଇଁ ରେଳବାଇର କଠୋର ନିୟମ-ଏହାର ସମାଧାନ ପାଇଁ, ଭାରତୀୟ ରେଳବାଇ କଠୋର ନିୟମ ଲାଗୁ କରିଛି । ରେଳବାଇ ଆଇନର ଧାରା ୧୪୭ ଏବଂ ୧୫୩ ଅନୁଯାୟୀ, ଚଳନ୍ତା ଟ୍ରେନ୍ ନିକଟରେ କିମ୍ବା ରେଳ ଟ୍ରାକରେ ସେଲ୍ଫି ନେଉଥିବା ବ୍ୟକ୍ତିଙ୍କୁ ଭାରି ଜରିମାନା, ଆଇନଗତ ପରିଣାମ କିମ୍ବା ଜେଲ୍ ମଧ୍ୟ ହୋଇପାରେ । ସୁରକ୍ଷା ନିର୍ଦ୍ଦେଶାବଳୀ- ୧) ଟ୍ରାକରେ ସେଲ୍ଫି ନେବା ଉଚିତ୍ ନୁହେଁ:- ରେଳ ଟ୍ରାକ ଉପରେ କିମ୍ବା ନିକଟରେ କେବେବି ସେଲ୍ଫି ନେବା ଉଚିତ୍ ନୁହେଁ। ବିପଦକୁ ଆପଣାଇବା ଠିକ ନୁହେଁ। ୨) ଆଇନଗତ ପରିଣାମ:- ବିପଦପୂର୍ଣ୍ଣ ସ୍ଥାନରେ ସେଲଫି ନେବା ଦ୍ଵାରା ଜରିମାନା କିମ୍ବା ଜେଲଦଣ୍ଡ ହୋଇପାରେ। ସେଲ୍ଫି ଚିତା କିମ୍ବା ଭିଡିଓ ଉତ୍ତୋଳନ କରିବା ପୂର୍ବରୁ ଚିନ୍ତା କରନ୍ତୁ।

Mind your selfie! 🤳🏻⚠️
Clicking pictures on Railway tracks may put your life at risk. #ResponsibleRailYatri pic.twitter.com/tmAA12IeOT

— Ministry of Railways (@RailMinIndia) April 24, 2024

ଛାତ୍ରଛାତ୍ରୀ, ବିଦ୍ୟାଳୟ ଏବଂ ଅଭିଭାବକଙ୍କ ଦ୍ୱାରା କାର୍ଯ୍ୟାନୁଷ୍ଠାନ ପାଇଁ ଆହ୍ୱାନ-

୧) ସ୍କୁଲ ଏବଂ କଲେଜ-
ପୂର୍ବତଟ ରେଳପଥ ଶିକ୍ଷାନୁଷ୍ଠାନ ଗୁଡ଼ିକୁ ଏହି ସମସ୍ୟା ବିଷୟରେ ସଚେତନତା ସୃଷ୍ଟି କରିବାକୁ କୁହାଯାଇଛି। ରେଳ ଷ୍ଟେସନ ପରିସର ଏବଂ ରେଳ ଟ୍ରାକ ଭଳି ଭିଡ଼ ସ୍ଥାନରେ ସେଲଫି ନେବାର ପ୍ରକୃତ ବିପଦକୁ ଛାତ୍ରଛାତ୍ରୀମାନଙ୍କୁ ବୁଝିବାରେ ସାହାଯ୍ୟ କରିବା ପାଇଁ ସଚେତନତା କାର୍ଯ୍ୟକ୍ରମ, କର୍ମଶାଳା କିମ୍ବା ଆଲୋଚନା ଆୟୋଜନ କରି ସେମାନଙ୍କୁ ସଚେତନତା କରାଇବା ପାଇଁ ପଦକ୍ଷେପ ଗ୍ରହଣ କରନ୍ତୁ।

रेलवे ट्रैक पर सेल्फी लेना या रील्स बनाना दण्डनीय है। ऐसा करने से आपकी एवं रेल यात्रियों की सुरक्षा खतरे में पड़ सकती है। 🤳❌ pic.twitter.com/jhAMdMVvGs

— Ministry of Railways (@RailMinIndia) August 2, 2024

୨) ପିତାମାତାଙ୍କୁ ମଧ୍ୟ ଏହି ବିପଦ ବିଷୟରେ ସେମାନଙ୍କ ପିଲାମାନଙ୍କୁ ପରାମର୍ଶ ଦେବାକୁ ଅନୁରୋଧ- ପିତାମାତାଙ୍କୁ ମଧ୍ୟ ବିପଦ ବିଷୟରେ ସେମାନଙ୍କ ପିଲାମାନଙ୍କୁ ପରାମର୍ଶ ଦେବାକୁ ଅନୁରୋଧ କରାଯାଉଛି। ସେମାନଙ୍କୁ ଅନଲାଇନରେ ବୁଦ୍ଧିମାନ ନିଷ୍ପତ୍ତି ନେବାରେ ସାହାଯ୍ୟ କରନ୍ତୁ। ସାର୍ବଜନୀନ ସ୍ଥାନରେ ବାହାରକୁ ଯିବା ସମୟରେ ସୁରକ୍ଷା ନିର୍ଦ୍ଦେଶାବଳୀ ପାଳନ କରିବାର ଗୁରୁତ୍ୱ ସମ୍ବନ୍ଧରେ ଶିଖାନ୍ତୁ ।

୩) ସୁରକ୍ଷା ପ୍ରତି ଧ୍ୟାନ ଦେବା ଆବଶ୍ୟକ-
ରେଳ ଷ୍ଟେସନଗୁଡ଼ିକ ଭିଡ଼ ସ୍ଥାନ। ଦ୍ରୁତ ଗତିରେ ଯାଉଥିବା ଟ୍ରେନ୍, ବୈଦ୍ୟୁତିକ ଉପକରଣ ଏବଂ ଯାତ୍ରୀଙ୍କ ନିରନ୍ତର ଗହଳି ଯୋଗୁଁ, ବିଚଳିତ ହେବା ଅସ୍ୱାଭାବିକ ନୁହେଁ। ଜନସାଧାରଣଙ୍କୁ ନିରାପଦ ନିଷ୍ପତ୍ତି ନେବାକୁ ନିବେଦନ କରାଯାଉଛି। ରେଳବାଇ ଆଇନର ଧାରା ୧୪୭ ଏବଂ ୧୫୩ ଅନୁଯାୟୀ ଉଲ୍ଲଂଘନକାରୀଙ୍କ ବିରୁଦ୍ଧରେ ମାମଲା ରୁଜୁ କରାଯାଇପାରିବ। ଯାହା ଅନଧିକାର ପ୍ରବେଶ ଏବଂ ଜନଜୀବନ ପ୍ରତି ବିପଦ ସୃଷ୍ଟି କରିବା ସହିତ ଜଡିତ।