ହାଇଦ୍ରାବାଦ: 2014ରେ ରିଲିଜ ହୋଇଥିବା ଫିଲ୍ମ ୟାରିୟାଁ ବେଶ ଲୋକପ୍ରିୟତା ହାସଲ କରିଥିଲା । ଏହାପରେ ଫିଲ୍ମର ସ୍ବିକେଲ୍କୁ ଫ୍ୟାନ୍ସ ଉତ୍ସାହର ସହ ଅପେକ୍ଷା କରିଥିଲେ । ତେବେ ବର୍ତ୍ତମାନ ୟାରିୟାଁ-2ର ଘୋଷଣା କରିଛନ୍ତି ନିର୍ମାତା । ଆଜି ଫିଲ୍ମର ନୂଆ ପୋଷ୍ଟର ରିଲିଜ କରିଛନ୍ତି ନିର୍ମାତା । ଯେଉଁଥିରେ ନୂଆ କାଷ୍ଟଙ୍କୁ ମଧ୍ୟ ଦେଖିବାକୁ ମିଳିଛି । ଏହି ପୋଷ୍ଟର ସହ ନିର୍ମାତା ଟିଜର କେବେ ରିଲିଜ ହେବ ସେନେଇ ମଧ୍ୟ ସୂଚନା ଦେଇଛନ୍ତି ।
ଏହା ମଧ୍ୟ ପଢନ୍ତୁ: ଏଥର 11 ଦେଶର ପୋଲିସ ଖୋଜିବେ ରଣଭୀରଙ୍କୁ, ଆସିଲା ଡନ-3ର ଦମଦାର ଟିଜର
ୟାରିୟାଁରେ ଅଭିନେତା ହିମାଂଶ କୋହଲି, ରକୁଲ ପ୍ରୀତ ସିଂ, ଏଭଲିନ୍ ଶର୍ମା, ନିକୋଲ ଫାରିଆ ଏବଂ ସାରା ସିଂ ଦର୍ଶକଙ୍କୁ ବେଶ ମନୋରଞ୍ଜନ କରିଥିଲେ। ବର୍ତ୍ତମାନ ଏହାର ସ୍ବିକେଲର ଘୋଷଣା ହୋଇଛି। ଏହି ଫିଲ୍ମରେ ନୂଆ କାଷ୍ଟଙ୍କୁ ଦେଖିବାକୁ ମିଳିବ। ନିର୍ମାତା ଟି ସିରିଜ ତାର ଅଫିସିଆଲ ଇନଷ୍ଟାଗ୍ରାମରେ ଫିଲ୍ମ ଘୋଷଣା ସହ ନୂଆ ପୋଷ୍ଟର ରିଲିଜ କରିଛି । ରିଲିଜ୍ ହୋଇଥିବା ୟାରିୟାନ୍-2 ର ନୂତନ ପୋଷ୍ଟରରେ ଅଭିନେତ୍ରୀ, ନିର୍ମାତା ତଥା ନିର୍ଦ୍ଦେଶକ ୟାରିୟାନ୍ ଦିବ୍ୟା ଖୋସଲା କୁମାର ସିଗାରେଟ୍ ଟାଣୁଥିବାବେଳେ ଅଭିନେତା ମିଜାନ୍ ଜାଫ୍ରି ଏବଂ ମୋତି ଭି ପୁରୀ ଶେରୱାନିରେ ବର ରୂପରେ ନଜର ଆସିଛନ୍ତି । ଏହି ପୋଷ୍ଟର ସେୟାର ହେବା ମାତ୍ରେ ଫ୍ୟାନ୍ସଙ୍କ ମଧ୍ୟରେ କ୍ରେଜ୍ ଦେଖିବାକୁ ମିଳିଛି । ଫ୍ୟାନ୍ସ ଏହାକୁ ଲାଇକ୍ କରିବା ସହ ପ୍ରତିକ୍ରିୟା ଦେଇଛନ୍ତି । ପ୍ରଥମ ଭାଗରେ ଫିଲ୍ମର ହନି ସିଂଙ୍କ 'ଆଜ ବ୍ଲୁ ହେ ପାନି ପାନି'ଗୀତ ଦର୍ଶକଙ୍କୁ ବେଶ ପସନ୍ଦ ଆସିଥିଲା । ତେବେ ଦ୍ବିତୀୟ ଭାଗରେ ମଧ୍ୟ ହନି ସିଂଙ୍କ ଗୀତକୁ ପୁଣି ଦୋହାରାଇବାକୁ ଫ୍ୟାନ୍ସ ପ୍ରିତିକ୍ରିୟାରେ ନିବେଦନ କରିଛନ୍ତି ।
ଏହା ମଧ୍ୟ ପଢନ୍ତୁ: ମା' ହେବାର ସପ୍ତାହ ପରେ ପୁଅ ସହ କ୍ୟୁଟ୍ ଫଟୋ ସେୟାର କଲେ ଇଲିଆନା
ଏହି ଚଳଚ୍ଚିତ୍ରର ନିର୍ଦ୍ଦେଶନା ଦେଇଛନ୍ତି ରାଧିକା ରାଓ ଏବଂ ବିଜୟ ସାପ୍ରୁ । ଏହି ଚଳଚ୍ଚିତ୍ରରେ ଯଶଦାସ ଗୁପ୍ତା, ଅନସ୍ବରା ରାଜନ, ୱରିନା ହୁସେନ୍ ଏବଂ ୱିଙ୍କ୍ ଗର୍ଲ ପ୍ରିୟା ୱାରିଅର୍ ମଧ୍ୟ ନଜର ଆସିବେ । ଏହି ଫିଲ୍ମ ଚଳିତ ବର୍ଷ ଅକ୍ଟୋବର 20ରେ ମୁକ୍ତିଲାଭ କରିବାକୁ ଯାଉଛି । ଫିଲ୍ମର ପ୍ରଥମ ଟିଜର ଅଗଷ୍ଟ 10ରେ ମୁକ୍ତିଲାଭ କରିବ । ଏହାପରେ ଫିଲ୍ମର ଟ୍ରେଲର ମଧ୍ୟ ଖୁବଶୀଘ୍ର ରିଲିଜ ହେବ । ତେବେ ପୋଷ୍ଟର ଦେଖିବା ପରେ ଫିଲ୍ମକୁ ନେଇ ଫ୍ୟାନ୍ସଙ୍କ ଉତ୍ସାହ ବଢିଯାଇଛି ।
