ହାଇଦ୍ରାବାଦ: ପ୍ରତିବର୍ଷ ଜୁନ୍ 5 ତାରିଖରେ ବିଶ୍ୱ ପରିବେଶ ଦିବସ ପାଳନ କରାଯାଏ । ଏହି ଦିନ ପୃଥିବୀ ଏବଂ ପରିବେଶକୁ ସୁରକ୍ଷିତ ଏବଂ ପରିଷ୍କାର ରଖିବା ପାଇଁ ଲୋକଙ୍କ ମଧ୍ୟରେ ସଚେତନତା ସୃଷ୍ଟି କରିବା ଉଦ୍ଦେଶ୍ୟରେ ଏହି ଦିବସ ପାଳନ କରାଯାଏ । ତେବେ ଅନେକ ସରକାରୀ ଏବଂ ବେସରକାରୀ ସଂଗଠନ ପରିବେଶର ସୁରକ୍ଷା ପାଇଁ ସର୍ବଭାରତୀୟ ସ୍ତରରେ କାର୍ଯ୍ୟ କରୁଛନ୍ତି । ଏଥିରେ ସାଧାରଣ ଲୋକଙ୍କର ମଧ୍ୟ ଏକ ବଡ଼ ଅବଦାନ ରହିଛି । କେବଳ ଏତିକି ନୁହେଁ, ପରିବେଶକୁ ପରିଷ୍କାର ରଖିବା ପାଇଁ ଚଳଚ୍ଚିତ୍ର ଜଗତର ଅନେକ ତାରକା ମଧ୍ୟ ସମୟ ସମୟରେ ସେମାନଙ୍କ ପ୍ରଶଂସକଙ୍କୁ ସଚେତନ କରାଉଥିବା ଦେଖିବାକୁ ମିଳିଛି । ଏହି ଅବସରରେ ଏପରି କିଛି ତାରକାଙ୍କ ବିଷୟରେ ଜାଣନ୍ତୁ ଯେଉଁମାନେ ପ୍ରକୃତିପ୍ରେମୀ ।
- " class="align-text-top noRightClick twitterSection" data="
">
ଦିଆ ମିର୍ଜା
ବଲିଉଡର ସୁନ୍ଦର ଅଭିନେତ୍ରୀ ଦିଆ ମିର୍ଜା ଜଣେ ପରିବେଶପ୍ରେମୀ । ଦିଆ ୟୁଏନ ପକ୍ଷରୁ ଭାରତର ''Environment Goodwill Ambassador'' ରହିଆସିଛନ୍ତି । ପ୍ରାୟତଃ ଲୋକଙ୍କୁ ପରିବେଶ ସମ୍ପର୍କରେ ସେ ସଚେତନ କରାଉଥିବା ଦେଖିବାକୁ ମିଳେ । କେବଳ ବିଶ୍ବ ପରିବେଶ ଦିବସ ନୁହେଁ ଅଧିକାଶଂ ସମୟରେ ସେ ପରିବେଶ ସମ୍ପର୍କରେ ସଚେତନ କରାଇଥାନ୍ତି ।
ଭୂମି ପେଡନେକର
ଫିଲ୍ମ 'ଟଏଲେଟ୍ ଏକ ପ୍ରେମ କଥା' ଫେମ ଅଭିନେତ୍ରୀ ଭୂମି ପେଡନେକର ଜଣେ ପ୍ରକୃତିପ୍ରେମୀ । ଭୂମି ପ୍ରତ୍ୟେକ ଦିନ ଲୋକଙ୍କୁ ପରିବେଶ ବିଷୟରେ ଅବଗତ କରାଇବାକୁ ସୁଯୋଗ ହାତ ଛଡା କରନ୍ତି ନାହିଁ । କେବଳ ଏତିକି ନୁହେଁ, ଅଭିନେତ୍ରୀ ପରିବେଶ ଅନୁକୂଳ କରିବାକୁ ଲୋକଙ୍କୁ ନିବେଦନ କରିଛନ୍ତି । ଅଭିନେତ୍ରୀ 3000 ହଜାର ଗଛ ଲଗାଇ ରେକର୍ଡ ସୃଷ୍ଟି କରିଛନ୍ତି ।
- " class="align-text-top noRightClick twitterSection" data="
">
ଜନ୍ ଅବ୍ରହାମ
ବଲିଉଡର ସୁନ୍ଦର ହଙ୍କ ଜନ୍ ଆବ୍ରାହମ୍ କେବଳ ଜଣେ ପରିବେଶବିତ୍ ନୁହଁନ୍ତି ବରଂ ସେ ପଶୁଙ୍କୁ ମଧ୍ୟ ବହୁତ ଭଲ ପାଆନ୍ତି। ଜନ ଜଣେ ଶାକାହାରୀ ଅଭିନେତା । ଏଥିପାଇଁ ସେ PETA ସହିତ ଜଡିତ ଏବଂ ସେହି ସମୟରେ ପରିବେଶର ସୁରକ୍ଷା ପାଇଁ ତାଙ୍କର ଅବଦାନ ପ୍ରଶଂସନୀୟ ।
ଅଲ୍ଲୁ ଅର୍ଜୁନ
- " class="align-text-top noRightClick twitterSection" data="
">
ସାଉଥ ତାରକା ଅଲ୍ଲୁ ଅର୍ଜୁନ ମଧ୍ୟ ଜଣେ ପ୍ରକୃତି ପ୍ରେମୀ । ସେ ଆଜି ବିଶ୍ୱ ପରିବେଶ ଦିବସରେ ଏକ ପୋଷ୍ଟ ସେୟାର କରିଛନ୍ତି ଏବଂ ପ୍ରକୃତିର କ୍ଷତି ନକରିବାକୁ ପ୍ରଶଂସକଙ୍କୁ ନିବେଦନ କରିଛନ୍ତି । ଅଲ୍ଲୁ ଅର୍ଜୁନ ସୋସିଆଲ ମିଡିଆରେ ବିଶ୍ୱ ପରିବେଶ ଦିବସ 2023ରେ ମଧ୍ୟ ଏକ ପୋଷ୍ଟ ସେୟାର କରିଛନ୍ତି । ଅନ୍ୟପକ୍ଷରେ ସୋନାକ୍ଷୀ ସିହ୍ନା, ଆଲିଆ ଭଟ୍ଟ, ଅଜୟ ଦେବଗନ, ପ୍ରିୟଙ୍କା ଚୋପ୍ରା, ରାହୁଲ ବୋଷ, ଆମୀର ଖାନ, ନନ୍ଦିତା ଦାସ ଏବଂ ଗୁଲ ପାନାଗଙ୍କ ନାମ ମଧ୍ୟ ପ୍ରକୃତିପ୍ରେମୀଙ୍କ ତାଲିକାରେ ସାମିଲ ହୋଇଛି ।
