ହାଇଦ୍ରାବାଦ: ନୂଆବର୍ଷ ପାଳନ କରିବାକୁ ଅନେକ ସେଲିବ୍ରିଟି ଭ୍ୟାକସନରେ ବାହାର ଦେଶକୁ ଯାଇଥିଲେ । ଏଥି ମଧ୍ୟରେ ବଲିଉଡ ଅଭିନେତା ବିଜୟ ବର୍ମା ଏବଂ ଅଭିନେତ୍ରୀ ତମନ୍ନା ଭାଟ୍ଟିଆ ମଧ୍ୟ ନୂଆ ବର୍ଷ ପାଳନ କରିବାକୁ ଲଣ୍ଡନ ଯାଇଥିଲେ । ବର୍ତ୍ତମାନ ଏହି ଲଭବାର୍ଡ ଭ୍ୟାକସନରୁ ମୁମ୍ବାଇ ଫେରିଛନ୍ତି । ଆଜି ଏହି କପଲଙ୍କୁ ମୁମ୍ବାଇ ବିମାନବନ୍ଦରରେ ଏକାଠି ନଜର ଆସିଥିବା ବେଳେ ପାପରାଜିଙ୍କ ଆଗରେ ହାତଧରାଧରି ହୋଇ ପୋଜ ଦେଇଥିବା ଦେଖିବାକୁ ମିଳିଛି । ଉଭୟଙ୍କ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ଇନଷ୍ଟାଗ୍ରାମରେ ଜମେ ପାପରାଜିଙ୍କ ଦ୍ବାରା ସେୟାର ହୋଇଥିବା ଭିଡିଓରେ ତମନ୍ନା ଏକ ଓଭର ସାଇଜ୍ ଆଉଟଫିଟ ଏବଂ ବ୍ଲାକ ଟି-ସାର୍ଟ ବ୍ଲାକ ଚଷମା ସହ ନଜର ଆସିଥିବା ବେଳେ ବିଜୟ ଏକ ବ୍ଲାକ ଟି-ସାର୍ଟ, ବ୍ଲାକ ଜ୍ୟାକେଟ ଏବଂ ବ୍ଲୁ ଡେନିମ୍ ପ୍ୟାଣ୍ଟରେ ନଜର ଆସିଥିଲେ । ଏହି ସମୟରେ ଉଭୟ ବେଶ ଖୁସିଥିବା ନଜର ଆସିଥିବା ବେଳେ ପାରାଜିଙ୍କ ଆଗରେ ହାତଧରାଧରି ହୋଇ ପୋଜ ଦେଇଥିବା ଦେଖିବାକୁ ମିଳିଛି । ସେପଟେ ତମନ୍ନା ନିଜ ଭ୍ୟାକେସନର ଅନେକ ଫଟୋ ନିଜ ଇନଷ୍ଟାଗ୍ରାମରେ ସେୟାର କରିଛନ୍ତି । ଯେଉଁଥିରେ ସେ ଖୁବ ମସ୍ତି କରୁଥିବା ନଜର ଆସିଛନ୍ତି । କେତେବେଳେ ଆଇସକ୍ରିମ ତ କେତେବେଳେ ପିଜା ଖାଉଥିବା ଆଉ କେତେବେଳେ କୋଲଡ୍ରିଙ୍କ ପିଉଥିବାର ନଜର ଆସିଛନ୍ତି ।
ସୂଚନା ଥାଉ କି, 'ଲଷ୍ଟ୍ ଷ୍ଟୋରୀ ୨'ର ସୁଟିଂ ସମୟରେ ତମନ୍ନା ଏବଂ ବିଜୟ ବର୍ମା ପ୍ରେମରେ ପଡ଼ିଥିଲେ । ଗତ ବର୍ଷ 2023 ନୂଆବର୍ଷରେ ଗୋଆର ଉଭୟଙ୍କ ଲିପଲକ୍ର ଏକ ଭିଡିଓ ଭାଇରାଲ୍ ହେବାପରେ ଉଭୟଙ୍କ ସମ୍ପର୍କ ସାମ୍ନାକୁ ଆସିଥିଲା । ତମନ୍ନା ଏବଂ ବିଜୟ କିଛି ସମୟ ପୂର୍ବରୁ ନିଜ ସମ୍ପର୍କକୁ ସର୍ବସାଧାରଣରେ ସ୍ୱୀକାର କରିଥିଲେ । ତେବେ ଉଭୟ ୨୦୨୪ରେ ବିବାହ ଯୋଜନା କରିପାରନ୍ତି ବୋଲି କୁହାଯାଉଛି ।
ଏହା ମଧ୍ୟ ପଢନ୍ତୁ: ତମନ୍ନା ଭାଟିଆଙ୍କ ସହ ରିଲେସନସିପ୍କୁ ନେଇ ମୁହଁ ଖୋଲିଲେ ବିଜୟ ବର୍ମା
କହିରଖୁଛୁ କି, ସେପଟେ ଶାହାରୁଖ ଖାନ ଗୌରୀ ଖାନ, ସପରିବାର ସହ ଅକ୍ଷୟ କୁମାର, ନିଜ ପିଲାମାନଙ୍କ ସହ କରଣ ଜୋହର ନୂଆ ବର୍ଷ ପାଳନ କରିବାକୁ ଭ୍ୟାକେସନରେ ଯାଇଥିଲେ । ବର୍ତ୍ତମାନ ଏହି ସେଲିବ୍ରିଟିମାନେ ମଧ୍ୟ ନିଜ ଘରକୁ ଫେରିଛନ୍ତି । ମୁମ୍ବାଇ ଏୟାରପୋର୍ଟରେ ଏହି ତାରକାଙ୍କୁ ତାଙ୍କ ସପରିବାର ସହ ଦେଖିବାକୁ ମିଳିଛି ।
